શરદ પૂર્ણિમા પર ચંદ્ર ગ્રહણ, અમૃત વર્ષા થશે કે નહી?

• ભારતમાં દેખાતું આ ચંદ્રગ્રહણ અત્યંત દુર્લભ સંયોગમાં થશે
  
• ચંદ્રગ્રહણ 11:32 કલાકે શરૂ થશે અને 03:36 કલાકે સમાપ્ત થશે
• આ દિવસે ચંદ્રગ્રહણની સાથે શરદ પૂર્ણિમા અને ગજકેસરી યોગ

વર્ષનું છેલ્લું ચંદ્રગ્રહણ 28 ઓક્ટોબરે થવા જઈ રહ્યું છે. ભારતમાં દેખાતું આ ચંદ્રગ્રહણ અત્યંત દુર્લભ સંયોગમાં થશે. ચંદ્રગ્રહણ 11:32 કલાકે શરૂ થશે અને 03:36 કલાકે સમાપ્ત થશે. હિન્દુ કેલેન્ડર મુજબ આ દિવસે ચંદ્રગ્રહણની સાથે શરદ પૂર્ણિમા અને ગજકેસરી યોગ પણ હશે. શરદ પૂર્ણિમાના દિવસે, ચંદ્ર 16 કળાએ ખીલી ઉઠે છે. એવું માનવામાં આવે છે કે આ રાત્રે ચંદ્રના કિરણો આકાશમાંથી અમૃત વરસાવે છે. આ જ કારણ છે કે આ દિવસે લોકો રાત્રે ચાંદનીમાં ધાબા પર ખીર રાખે છે. પૌવા ધરાવે છે આ વખતે ચંદ્રગ્રહણને કારણે લોકોના મનમાં આ અંગે થોડી શંકા છે. ચાલો જાણીએ કે આકાશમાંથી અમૃતના વરસાદની નીચે ખીરને રાખવાનો યોગ્ય સમય અને શુભ સમય કયો છે. શું આ વખતે ખીરનો પ્રસાદ ધરાવી શકાય?

શરદ પૂર્ણિમાના દિવસે લોકો ખીર તૈયાર કરે છે 

સામાન્ય રીતે શરદ પૂર્ણિમાના દિવસે લોકો ખીર તૈયાર કરે છે અને રાત્રે 12 વાગ્યા પછી તેને ખુલ્લા આકાશ નીચે રાખે છે. પરંતુ આ વખતે ગ્રહણ 1:05 વાગ્યાથી શરૂ થઈ રહ્યું છે, જે 2:23 સુધી ચાલશે. ગ્રહણ કાળ પછી જ અમૃતના રૂપમાં વરસાદ માટે ખીરને ચંદ્રના પ્રકાશમાં આકાશની નીચે રાખવી જોઈએ. ગ્રહણના સમયને અશુભ માનવામાં આવે છે આથી આ સમયે ખુલ્લા વાસણમાં ખીર રાખવાથી નુકસાન થશે.

શરદ પૂર્ણિમા અને ચંદ્રગ્રહણ બંને એક સાથે

આ વર્ષે શરદ પૂર્ણિમા અને ચંદ્રગ્રહણ બંને એક સાથે થશે અને તેથી તે એક અદ્ભુત સંયોગ બની રહ્યો છે. એવી માન્યતા છે કે શરદ પૂર્ણિમાની રાત્રે આકાશમાંથી અમૃત વર્ષા થાય છે. આવી સ્થિતિમાં ખુલ્લા આકાશમાં ખીરની વાટકી રાખવાની પરંપરા છે અને સવારે તેને ખાવાથી તમામ દુ:ખ અને પરેશાનીઓ દૂર થઈ જાય છે.

આ વસ્તુઓ વડે ખીર તૈયાર કરો

તેમણે કહ્યું કે આ માટે ગ્રહણ કાળ પછી સ્નાન કરીને દૂધ, ખાંડ અને ડ્રાયફ્રૂટ્સમાંથી ખીર તૈયાર કરવી જોઈએ. તે પછી તેને ચાંદનીમાં રાખવો જોઈએ. પછી સવારે તે ખીરને પ્રસાદ તરીકે સ્વીકારવું જોઈએ.

રોગ દૂર થાય છે

એવું માનવામાં આવે છે કે આ અમૃત જેવી ખીર સ્વાસ્થ્ય માટે ફાયદાકારક છે. આ સિવાય ઘરમાં સુખ, શાંતિ અને સમૃદ્ધિ પણ આવે છે. તેની સાથે ભગવાન વિષ્ણુ અને માતા લક્ષ્મીની કૃપા પણ ભક્તો પર બની રહે છે.