- 47 વર્ષ બાદ મંગળ ફરી એક વખત વૃષભ રાશિમાં વક્રી થયો
- મંગળ વક્રી અવસ્થામાં રાશિ પરિવર્તન કરે તે ખુબજ અશુભ
- મંગળે 14 ડિસેમ્બર 1975ના રોજ આ રીતે રાશિ પરિવર્તન કર્યુ હતુ
ગ્રહોનો સેનાપતિ મંગળ 13 નવેમ્બરે વૃષભ રાશિમાં વક્રી અવસ્થામાં ગોચર કરી રહ્યો છે. મંગળ 12 માર્ચ 2023 સુધી આ રાશિમાં રહેશે. મંગળનું વક્રી થઇને વૃષભમાં આવવુ ઘણી રીતે વિશેષ માનવામાં આવે છે. જ્યોતિષીઓના મતે, મંગળ વક્રી અવસ્થામાં રાશિ પરિવર્તન કરે તે એક દુર્લભ ઘટના છે. આ પહેલા મંગળે 14 ડિસેમ્બર 1975ના રોજ આ રીતે રાશિ પરિવર્તન કર્યુ હતુ. 47 વર્ષ બાદ મંગળ ફરી એક વખત વૃષભ રાશિમાં વક્રી થયો છે. જ્યોતિષીઓનું કહેવું છે કે મંગળના આ દુર્લભ સંયોગ પછી અમુક રાશિના લોકોએ ખાસ ધ્યાન રાખવું પડશે.
મેષ રાશિ
વૃષભ રાશિમાં મંગળનું ગોચર મેષ રાશિના લોકોની મુશ્કેલીઓ વધારી શકે છે. પરિવાર સાથે ઝઘડાની સ્થિતિ સર્જાઈ શકે છે. આર્થિક મોરચે ધનહાનિ થવાની સંભાવના છે. પૈસાની લેવડ-દેવડ અને રોકાણના મામલામાં ખૂબ કાળજી રાખવી પડશે. કરિયરની દૃષ્ટિએ પણ આ ગોચર તમારા માટે સારું માનવામાં આવતું નથી. વિદ્યાર્થીઓને સફળતા મેળવવા માટે ઘણી મહેનત કરવી પડશે. વિવાહિત જીવનમાં મુશ્કેલી આવી શકે છે.
મિથુન રાશિ
વૃષભમાં રહેલો મંગળ ખર્ચમાં વધારો કરશે. નાના ભાઈ કે બહેન સાથે મતભેદ થઈ શકે છે. પ્રવાસમાં ભારે નુકસાન થઈ શકે છે. જો આ સમય દરમિયાન તમે કોઈ મોટા રોકાણ વિશે વિચારી રહ્યા છો, તો તેને સમય માટે મુલતવી રાખો. આ સમયે, નાની બિમારીને પણ અવગણવી તમારા માટે મુશ્કેલ સાબિત થઈ શકે છે. વિવાહિત જીવનમાં પણ મતભેદ થઈ શકે છે. ઘમંડ નુકસાન કરશે.
તુલા રાશિ
વૃષભમાં રહેલો મંગળ તુલા રાશિના લોકો માટે પડકારજનક રહેશે. સફળતા મેળવવા માટે તમારે સખત મહેનત કરવી પડશે. તમે માનસિક તણાવથી પણ પરેશાન થઈ શકો છો. તમને આર્થિક મોરચે ઘણા ઉતાર-ચઢાવનો સામનો કરવો પડી શકે છે. આ સમયે, લોકો સાથે તમારું વર્તન તદ્દન અલગ હશે, જેના કારણે ઓફિસમાં સહકર્મીઓ સાથે તમારા સંબંધો બગડી શકે છે. તમારી વાણીમાં ખૂબ કાળજી રાખવાની જરૂર છે.
મકર રાશિ
વક્રી મંગળ મકર રાશિના જાતકો પર વર્તન અને નજીકના સંબંધો પર ખરાબ અસર કરશે. બાળકોનું સ્વાસ્થ્ય બગડી શકે છે. વિવાહિત જીવનમાં ખટાશ આવી શકે છે. નજીકના મિત્રો સાથેના સંબંધો બગડી શકે છે. રોકાણ સંબંધિત બાબતોમાં પણ તમારે ખૂબ કાળજી રાખવી પડશે. આ દરમિયાન લોનમાં આપેલા પૈસા પણ ડૂબી શકે છે. બેંક-બેલેન્સ બગડી શકે છે.
