આ દિવસે કરવામાં આવેલા દરેક શુભ કાર્યને અક્ષય ફળ મળે છે, એટલે કે તેનું ક્યારેય ક્ષય થતો નથી. માન્યતા છે કે આ દિવસે કરેલી ખરીદી, રોકાણ અથવા શુભ કાર્યમાં સતત વૃદ્ધિ થાય છે. તેથી આ દિવસે સોનું ખરીદવાની પરંપરા છે, કારણ કે સોનું સમૃદ્ધિનું પ્રતિક છે અને તેને સુરક્ષિત રોકાણ પણ માનવામાં આવે છે. જો સોનું ખરીદવું શક્ય ન હોય તો ચાંદી, પિત્તળના વાસણો અથવા પૂજા સામગ્રી પણ ખરીદી શકાય છે.
અક્ષય તૃતીયા માત્ર ધન-સંપત્તિનો તહેવાર નથી, પરંતુ આધ્યાત્મિક સંતુલન અને શાંતિનું પણ પ્રતિક છે. આ દિવસે ઘરમાં સકારાત્મક ઊર્જા લાવતી વસ્તુઓ લાવી શકાય છે.
અક્ષય તૃતીયા 2026 તારીખ
પંચાંગ મુજબ વૈશાખ મહિનાની શુક્લ પક્ષની તૃતીયા તિથિ 19 એપ્રિલ સવારે 10:48 વાગ્યે શરૂ થશે અને 20 એપ્રિલ સવારે 7:27 વાગ્યે પૂર્ણ થશે. તેથી અક્ષય તૃતીયા 19 એપ્રિલે ઉજવાશે.
સોનું ખરીદવાનો શુભ સમય
અક્ષય તૃતીયા પર સોનું ખરીદવાનો શુભ સમય 19 એપ્રિલ સવારે 10:49 વાગ્યાથી લઈને 20 એપ્રિલ સવારે 5:51 વાગ્યા સુધી રહેશે.
અક્ષય તૃતીયા પર મૂર્તિ ખરીદો
આ દિવસે તમે તમારા આરાધ્ય દેવ-દેવીની મૂર્તિ અથવા તસવીર ખરીદી શકો છો. જેમ કે ગણેશજી, લક્ષ્મીજી અથવા રાધા-કૃષ્ણની મૂર્તિઓ. આ મૂર્તિઓ ઘરમાં લાવવાથી સકારાત્મક ઊર્જા વધે છે અને સુખ-સમૃદ્ધિ મળે છે.
કામધેનુની મૂર્તિ ખરીદવી
અક્ષય તૃતીયા પર કામધેનુની મૂર્તિ ખરીદવી ખૂબ શુભ માનવામાં આવે છે. કામધેનુને તમામ ઇચ્છાઓ પૂર્ણ કરતી દિવ્ય ગાય માનવામાં આવે છે. તેને ઘરમાં રાખવાથી સમૃદ્ધિ, સૌભાગ્ય અને સુખ-શાંતિ મળે છે. વાસ્તુ અનુસાર કામધેનુની મૂર્તિ ઉત્તર, પૂર્વ અથવા ઈશાન (ઉત્તર-પૂર્વ) દિશામાં રાખવી શ્રેષ્ઠ છે. કામધેનુ સિવાય તમે કચ્છપ (કાચબો) પણ ખરીદી શકો છો.
અક્ષય તૃતીયા પર વાસણ ખરીદો
પૌરાણિક માન્યતા મુજબ આ દિવસે ભગવાન શ્રીકૃષ્ણે પાંડવોને અક્ષય પાત્ર આપ્યું હતું, જેમાંથી ભોજન ક્યારેય સમાપ્ત થતું ન હતું. તેથી આ દિવસે વાસણ ખરીદવાની પરંપરા છે. તમે સોનું, ચાંદી અથવા પિત્તળના વાસણો ખરીદી શકો છો, જે ઘરમાં સુખ-સમૃદ્ધિ લાવે છે અને નવા પ્રારંભનું પ્રતિક બને છે.
આ પણ વાંચો: Grah Gochar: 11મેના સૂર્ય, મંગળ અને બુધનો ત્રિગ્રહી યોગ, આ રાશિની આર્થિક પ્રગતિના સંકેત
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
