આ વખતે યાત્રા કુલ 57 દિવસ સુધી ચાલશે, જેમાં લાખો શ્રદ્ધાળુઓ જોડાશે તેવી અપેક્ષા છે.
યાત્રાના સત્તાવાર પ્રારંભ પહેલા ભગવાન શિવના આશીર્વાદ માટે પ્રથમ પૂજાનું આયોજન કરવામાં આવશે. આ વિશેષ પૂજા જ્યેષ્ઠ પૂર્ણિમાના દિવસે, એટલે કે 29 જૂન 2026ના રોજ યોજાશે. આ દિવસથી યાત્રાનો આધ્યાત્મિક માહોલ તૈયાર થવા લાગે છે.
શ્રદ્ધાળુઓની સુરક્ષા અને ભીડના સંચાલન માટે એડવાન્સ રજીસ્ટ્રેશન ફરજિયાત છે. આ વર્ષે રજીસ્ટ્રેશન પ્રક્રિયા 15 એપ્રિલ 2026થી શરૂ થશે. ભક્તો ઓનલાઇન અને ઓફલાઇન બંને રીતે નોંધણી કરી શકે છે.
ઓફલાઇન માધ્યમ: દેશભરમાં આવેલી જમ્મુ-કાશ્મીર બેંક, PNB, SBI અને યસ બેંકની 554 શાખાઓમાં જઈને નોંધણી કરાવી શકાય છે.
ઓનલાઇન માધ્યમ: શ્રાઇન બોર્ડની સત્તાવાર વેબસાઇટ અને મોબાઇલ એપ દ્વારા પણ નોંધણી કરી શકાય છે.
અમરનાથ યાત્રા ઊંચાઈ અને મુશ્કેલ ભૂગોળીય પરિસ્થિતિઓ ધરાવતી હોવાથી નોંધણી માટે અધિકૃત ડોક્ટર દ્વારા આપવામાં આવેલ હેલ્થ સર્ટિફિકેટ (CHB) જરૂરી છે. આરોગ્ય તપાસ અને માન્ય પરમિટ વિના કોઈ યાત્રાળુને આગળ જવાની મંજૂરી આપવામાં નહીં આવે.
આ યાત્રા પરંપરાગત પહલગામ અને બાલટાલ બંને માર્ગોથી યોજાશે. પ્રશાસને સુરક્ષા, મેડિકલ કેમ્પ (લંગર) અને રહેઠાણની વ્યવસ્થા માટે તૈયારીઓ શરૂ કરી દીધી છે. યાત્રાળુઓને સલાહ આપવામાં આવે છે કે તેઓ ગરમ કપડાં અને જરૂરી દવાઓ સાથે રાખે.
આ પણ વાંચો: Akshaya Tritiya 2026: અક્ષય તૃતીયા પર 100 વર્ષ પછી 5 રાજયોગ, આ રાશિની ચમકશે કિસ્મત
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)