વૈદિક પંચાંગ અનુસાર, માઘ અને આષાઢ મહિનામાં ગુપ્ત નવરાત્રિ ઉજવવામાં આવે છે. આ દરમિયાન દસ મહાવિદ્યાઓની ગુપ્ત રીતે પૂજા-અર્ચના અને વ્રત કરવાનું વિશેષ મહત્વ છે. ધાર્મિક માન્યતા મુજબ, આષાઢ ગુપ્ત નવરાત્રિ 2026 દરમિયાન વ્રત અને પૂજા કરવાથી સાધકને જીવનના ભયોમાંથી મુક્તિ મળે છે અને શુભ ફળની પ્રાપ્તિ થાય છે.
પ્રતિપદા તિથિનો પ્રારંભ: 14 જુલાઈ, બપોરે 3:12 વાગ્યે
પ્રતિપદા તિથિનો અંત: 15 જુલાઈ, સવારે 11:50 વાગ્યે
વૈદિક પંચાંગ અનુસાર, આ વર્ષે આષાઢ ગુપ્ત નવરાત્રિ 15 જુલાઈથી શરૂ થશે અને 23 જુલાઈએ પૂર્ણ થશે.
ઘટસ્થાપના શુક્લ પક્ષની પ્રતિપદા તિથિએ કરવામાં આવે છે.
ઘટસ્થાપના શુભ મુહૂર્ત: 15 જુલાઈ, સવારે 6:01 વાગ્યાથી 10:17 વાગ્યા સુધી
બ્રહ્મ મુહૂર્ત: સવારે 4:11 થી 4:52
વિજય મુહૂર્ત: બપોરે 2:45 થી 3:40
ગોધૂલી મુહૂર્ત: સાંજે 7:20 થી 7:40
અમૃત કાળ: બપોરે 4:00 થી 5:27
લાલ કપડું, કપૂર, અક્ષત (ચોખા), હળદર, સોપારી, મૌલી (નાડાછડી), ફૂલો, લવિંગ, રોલી (કુમકુમ), ફૂલમાળા, એલચી, કળશ, ગંગાજળ, નાળિયેર, આંબાના અથવા આસોપાલવના પાન, અનાજ અને જવ, માટીનું વાસણ, પવિત્ર સ્થળની માટી (મંદિર વગેરે), અખંડ જ્યોત માટે મોટો દીવો અને રૂની વાટ,
લસણ, ડુંગળી, માંસ અને મદિરાનું સેવન ન કરવું. વ્રત દરમિયાન રાજગરાનો લોટ, શિંગોડાનો લોટ અને સાબુદાણાનું સેવન કરી શકાય. વાળ, દાઢી-મૂછ અને નખ ન કાપવા. બ્રહ્મચર્યના નિયમોનું પાલન કરવું. જો અખંડ જ્યોત પ્રગટાવી હોય તો તેને એકલી ન છોડવી. દરરોજ દુર્ગા ચાલીસા અથવા દુર્ગા સપ્તશતીનો પાઠ કરવો. કાળા રંગના કપડાં પહેરવાનું ટાળવું.
માન્યતા છે કે આષાઢ ગુપ્ત નવરાત્રિ દરમિયાન ભક્તિભાવથી માતા દુર્ગાની ઉપાસના કરવાથી જીવનમાં સુખ, સમૃદ્ધિ અને આધ્યાત્મિક શક્તિની પ્રાપ્તિ થાય છે.
આ પણ વાંચો: Odisha Raja Parba Festival : શું તમે જાણો છો કે શા માટે મનાવવામાં આવે છે રાજા પર્વ?
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)