વર્ષ 2025 નું છેલ્લું ચંદ્રગ્રહણ 7 સપ્ટેમ્બરના રોજ છે. આ ખગોળીય ઘટના રાત્રે 9 વાગ્યેને 58 મિનિટે શરૂ થશે, પરંતુ તેનો સૂતક કાળ બપોરે 12 વાગ્યેને 57 મિનિટથી જ શરૂ થઈ જશે. જ્યોતિષશાસ્ત્ર અનુસાર, ગ્રહણ દરમિયાન વાતાવરણમાં નકારાત્મક ઊર્જાનું પ્રમાણ વધી જાય છે, જેને દૂર કરવા માટે મંત્રજાપનું વિશેષ મહત્વ છે. આ દિવસે તમારી રાશિ અને તેના સ્વામી ગ્રહ અનુસાર યોગ્ય મંત્રનો જાપ કરવાથી જીવનમાં સકારાત્મકતા આવે છે અને શુભ ફળની પ્રાપ્તિ થાય છે.
રાશિ અનુસાર મંત્રજાપથી મળશે લાભ
દરેક રાશિનો પોતાનો સ્વામી ગ્રહ હોય છે, અને તે ગ્રહના મંત્રનો જાપ કરવાથી ગ્રહણના દુષ્પ્રભાવોથી બચી શકાય છે. મેષ અને વૃશ્ચિક રાશિના જાતકો જેમનો સ્વામી મંગળ છે, તેમણે 'ૐ ક્રાં ક્રીં ક્રૌં સઃ ભૌમાય નમઃ' અને મહામૃત્યુંજય મંત્રનો જાપ કરવો જોઈએ. વૃષભ અને તુલા રાશિના જાતકો માટે શુક્ર મંત્ર 'ૐ શું શુક્રાય નમઃ' અને 'ૐ ઐં ક્લીં સૌમાય નામાય નમઃ' લાભદાયી છે. કર્ક અને સિંહ રાશિના જાતકોએ અનુક્રમે 'ૐ શ્રાં શ્રીં શ્રૌં સઃ ચન્દ્રમસે નમઃ' અને 'ૐ નમો ભગવતે રુદ્રાયઃ' મંત્રનો જાપ કરવો જોઈએ.
