આજે વર્ષનું પહેલું પૂર્ણ ચંદ્રગ્રહણ લાગી રહ્યું છે, જે ભારતમાં પણ દેખાશે. આ કારણે સૂતક કાળ શરૂ થઈ ચૂક્યો છે. ફાગણ માસની પૂર્ણિમા તિથિએ લાગતું આ ચંદ્રગ્રહણ ખૂબ મહત્વનું માનવામાં આવે છે.
ચંદ્રગ્રહણ લાગતા પહેલા 9 કલાકથી સૂતક કાળ શરૂ થઈ ગયો છે
ચંદ્રગ્રહણ લાગતા પહેલા 9 કલાકથી સૂતક કાળ શરૂ થઈ ગયો છે, જે મોક્ષ કાળ પૂર્ણ થતાં સમાપ્ત થશે. આ દરમિયાન તમામ શુભ અને માંગલિક કાર્યો પર પ્રતિબંધ હોય છે અને મંદિરોના કપાટ બંધ કરવામાં આવે છે. માન્યતા મુજબ ગ્રહણ દરમિયાન કરવામાં આવેલા કાર્યોમાં દોષ લાગે છે અને નકારાત્મક ઊર્જા ફેલાયેલી હોય છે. તેથી ગ્રહણ પૂર્ણ થયા પછી સ્નાન-દાન સાથે કેટલાક ખાસ કાર્યો કરવાથી શુભ ફળ મળે છે અને સકારાત્મક ઊર્જા વધે છે.
ચંદ્રગ્રહણ 2026 ક્યારે?
ભારતીય સમય અનુસાર ચંદ્રગ્રહણ બપોરે 3:20 વાગ્યે શરૂ થશે અને સાંજે 6:47 વાગ્યે પૂર્ણ થશે.
ચંદ્રગ્રહણ પૂર્ણ થયા પછી કરવાના કાર્ય
ઘરની સફાઈ કરો
ગ્રહણ બાદ ઘર સારી રીતે સાફ કરો. ઝાડુ-પોતા કરતી વખતે પાણીમાં થોડું મીઠું ઉમેરો. માન્યતા છે કે મીઠાંના પાણીથી નકારાત્મક ઊર્જા દૂર થાય છે.
સ્નાન કરો
ગ્રહણ પછી પોતાનું શુદ્ધિકરણ કરવું જરૂરી છે. સ્નાન કરવાથી આસપાસની નકારાત્મકતા દૂર થાય છે અને મન-મગજ શાંત રહે છે.
દાન કરો
ગ્રહણ પછી દાનનું વિશેષ મહત્વ છે. ચોખા, દૂધ, ખાંડ, લોટ, સફેદ કપડાં અથવા સફેદ મીઠાઈનું દાન કરવું શુભ માનવામાં આવે છે. જો કુંડળીમાં ચંદ્ર દોષ હોય તો ચાંદી અથવા મોતીનું દાન કરવું લાભદાયક છે.
ઘરનું શુદ્ધિકરણ કરો
સફાઈ પછી ગંગાજળ મંદિર અને તુલસીના છોડમાં છાંટો, ત્યારબાદ આખા ઘરમાં છાંટો. આથી નકારાત્મક ઊર્જા દૂર થાય છે.
દીવો અને ધૂપ પ્રગટાવો
શુદ્ધિકરણ પછી ઘીમાં દીવો પ્રગટાવી ધૂપ કરો અને આખા ઘરમાં ફેરવો.
તાજું ભોજન બનાવો
સૂતક કાળ દરમિયાન બનાવેલા ભોજનમાં તુલસી ન નાખી હોય તો તેને ન લેવો. ગ્રહણ બાદ તાજું ભોજન બનાવવું.
ગાયને રોટલી ખવડાવો
ગ્રહણ પછી બનેલા ભોજનમાંથી એક રોટલી ગાયને અર્પણ કરો. રાત્રે શક્ય ન હોય તો સવારે ખવડાવો. માન્યતા છે કે આથી ગ્રહણ દોષથી મુક્તિ મળે છે.
આ પણ વાંચો: Chandra Grahan 2026: આજે સાંજે આકાશમાં દેખાશે બ્લડ મૂન, આ રાશિ પર થશે સૌથી વધુ અસર
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)