28 ઓગસ્ટ 2026ના રોજ શ્રાવણ પૂર્ણિમાના દિવસે આંશિક ચંદ્રગ્રહણ થવાનું છે. ચંદ્રગ્રહણ હંમેશા પૂર્ણિમાના દિવસે જ થાય છે, તેથી આ વખતે રક્ષાબંધન અને ચંદ્રગ્રહણ એક જ દિવસે આવવાના કારણે લોકોમાં ઉત્સુકતા જોવા મળી રહી છે.
હિંદુ ધર્મમાં સૂર્યગ્રહણ અને ચંદ્રગ્રહણને વિશેષ મહત્વ આપવામાં આવે છે. ધાર્મિક માન્યતાઓ ઉપરાંત વૈજ્ઞાનિક દ્રષ્ટિએ પણ ગ્રહણ એક મહત્વપૂર્ણ ખગોળીય ઘટના છે. વિશ્વભરના વૈજ્ઞાનિકો આ ઘટનાનો અભ્યાસ કરે છે, જ્યારે જ્યોતિષમાં પણ ગ્રહણને વિશેષ માનવામાં આવે છે.
ભારતીય સમય અનુસાર 28 ઓગસ્ટ 2026ના રોજ સવારે 6:53 વાગ્યે ચંદ્રગ્રહણ શરૂ થશે અને બપોરે 12:32 વાગ્યા સુધી રહેશે. આ ગ્રહણનો કુલ સમયગાળો લગભગ 5 કલાક 39 મિનિટનો રહેશે.
ખગોળશાસ્ત્ર અનુસાર આ એક ગહન આંશિક ચંદ્રગ્રહણ હશે, જેમાં ચંદ્રનો મોટો ભાગ પૃથ્વીની છાયામાં આવી જશે. આ દરમિયાન ચંદ્રનો રંગ તાંબડિયો અથવા હળવો લાલ દેખાઈ શકે છે. આ કારણથી તેને ઘણીવાર બ્લડ મૂન પણ કહેવામાં આવે છે.
2026નું આ વર્ષનું છેલ્લું અને બીજું ચંદ્રગ્રહણ વિશ્વના કેટલાક ભાગોમાં જોવા મળશે. મુખ્ય રીતે આ ગ્રહણ અમેરિકા, યુરોપના કેટલાક વિસ્તારો, પ્રશાંત મહાસાગર વિસ્તાર, એટલાન્ટિક મહાસાગરના આસપાસના વિસ્તારો અને આફ્રિકામાં દેખાઈ શકે છે. આ વિસ્તારોમાં લોકોને ચંદ્ર સામાન્ય કરતાં અલગ રંગમાં જોવા મળી શકે છે. કેટલાક સ્થળોએ ચંદ્ર વધુ લાલ રંગનો દેખાવાની શક્યતા છે.
જ્યોતિષીય ગણતરી અનુસાર આ ચંદ્રગ્રહણ કુંભ રાશિ અને શતભિષા નક્ષત્ર સાથે જોડાયેલું માનવામાં આવી રહ્યું છે. તેથી જ્યોતિષ દ્રષ્ટિએ કુંભ રાશિના જાતકો માટે આ ગ્રહણ વિશેષ અસર કરશે. જોકે, ગ્રહણની વ્યક્તિગત અસર દરેક વ્યક્તિની જન્મકુંડળીમાં રહેલા ગ્રહોની સ્થિતિ અને યોગ પર આધારિત રહે છે.
આ વખતે રક્ષાબંધન અને ચંદ્રગ્રહણ એક જ દિવસે આવી રહ્યા છે, પરંતુ જ્યોતિષ નિષ્ણાતોના જણાવ્યા અનુસાર આ ચંદ્રગ્રહણ ભારતમાં દેખાશે નહીં. જ્યોતિષ માન્યતાઓ અનુસાર જે ગ્રહણ કોઈ સ્થળ પરથી દેખાય છે, ત્યાં જ તેનો ધાર્મિક પ્રભાવ માનવામાં આવે છે. કારણ કે આ ગ્રહણ ભારતમાંથી દૃશ્યમાન નહીં હોય, તેથી અહીં સૂતક કાળ માન્ય રહેશે નહીં.
આથી ભારતમાં રક્ષાબંધનના તહેવાર પર ચંદ્રગ્રહણની કોઈ ખાસ અસર નહીં રહે. બહેનો શુભ મુહૂર્ત અને ભદ્રા કાળનું ધ્યાન રાખીને સામાન્ય રીતે પોતાના ભાઈના હાથ પર રાખડી બાંધી શકશે.
રક્ષાબંધન ભાઈ-બહેનના પવિત્ર સંબંધનું પ્રતીક છે. ભારતમાં ચંદ્રગ્રહણ દેખાશે નહીં હોવાથી તહેવારની ઉજવણીમાં કોઈ અવરોધ માનવામાં આવતો નથી. જોકે ધાર્મિક પરંપરાઓનું પાલન કરતા લોકો રાખડી બાંધતા પહેલાં શુભ સમય અને પંચાંગની માહિતી જરૂર જોઈ શકે છે.
આ પણ વાંચો: Astrology Remedies: ધનની સમસ્યા દૂર કરવા માટે રાશિના સ્વામી ગ્રહને મજબૂત કરવાના ઉપાય
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)