કેટલાક દિવસોમાં નવા વર્ષની શરૂઆત થશે. જ્યોતિષ શાસ્ત્રમાં ગ્રહણને મહત્વપૂર્ણ માનવામાં આવે છે. ગ્રહણ દરમિયાન કેટલીક બાબતોનું ધ્યાન રાખવુ જરૂરી માનવામાં આવે છે. વર્ષ 2026માં સૂર્ય ગ્રહણ અને ચંદ્ર ગ્રહણ બંને થશે. ગ્રહણ જ્યારે લાગે ત્યારે સૂતક કાળ લાગે છે. ગ્રહણ દરમિયાન કોઇ પણ પ્રકારનું મંગળ કાર્ય કરવામાં આવતુ નથી. આ દરમિયાન ખાસ સાવધાની રાખવામાં આવે છે. આવો જાણીએ નવા વર્ષ 2026માં ક્યારે સૂર્ય ગ્રહણ અને ચંદ્ર ગ્રહણ લાગશે.
ક્યારે હશે સૂર્ય ગ્રહણ?
નવા વર્ષનું પહેલું ગ્રહણ, સૂર્યગ્રહણ, મંગળવાર, 17 ફેબ્રુઆરી, 2026 ના રોજ જોવા મળશે. આ સૂર્યગ્રહણ ફાલ્ગુન મહિનાના કૃષ્ણ પક્ષ (અંધારા પખવાડિયા) ના અમાસના દિવસે થશે.
સૂર્યગ્રહણ કેવું હશે?
આ ગ્રહણ એક વલયાકાર સૂર્યગ્રહણ હશે. આ સમય દરમિયાન, સૂર્ય અગ્નિના ગોળાકાર વલય જેવો દેખાશે, જે ખગોળશાસ્ત્રના દૃષ્ટિકોણથી અત્યંત દુર્લભ અને નોંધપાત્ર માનવામાં આવે છે.
સૂર્યગ્રહણ ક્યાં દેખાશે?
આ ગ્રહણ ભારતમાં દેખાશે નહીં. જો કે તે એન્ટાર્કટિકા, દક્ષિણપૂર્વ આફ્રિકા, દક્ષિણ અમેરિકાના કેટલાક ભાગો અને એટલાન્ટિક, ભારતીય અને પેસિફિક મહાસાગરોના વિસ્તારોમાં દેખાશે.
વર્ષ 2026નું ચંદ્ર ગ્રહણ ક્યારે ?
દ્રિક પંચાંગ મુજબ વર્ષ 2026નું પહેલું ચંદ્રગ્રહણ 3 માર્ચ, 2026 ના રોજ ફાલ્ગુનની પૂર્ણિમાના દિવસે થશે. હોળીનો તહેવાર પણ તે જ દિવસે ઉજવવામાં આવશે, જે આ સંયોગને વધુ ખાસ બનાવે છે.
ચંદ્રગ્રહણ ક્યારે શરૂ થશે ?
આ આંશિક ચંદ્રગ્રહણ હશે. ગ્રહણ સાંજે 6.26 વાગ્યે શરૂ થશે અને 6.46 વાગ્યા સુધી ચાલશે, અને કુલ સમયગાળો 20 મિનિટનો રહેશે.
ચંદ્રગ્રહણ ક્યાં દેખાશે?
આ ચંદ્રગ્રહણ ભારત, એશિયા, ઓસ્ટ્રેલિયા, ઉત્તર અમેરિકા અને દક્ષિણ અમેરિકામાં દેખાશે. આ ગ્રહણ ભારતમાં દેખાશે, તેથી સૂતક કાળ પણ અહીં જોવા મળશે.