આ દિવસે અનેક મોટા તહેવારો, વ્રત અને દુર્લભ યોગ એકસાથે બની રહ્યા છે, જેના કારણે તેને ‘સુપર સંયોગ’ અથવા ‘મહા સંયોગ’નો દિવસ કહેવાય છે.
19 માર્ચે વિવિધ તહેવારો અને પરંપરાઓનું અનોખો સંયોગ જોવા મળશે, જેના કારણે આ દિવસનું આધ્યાત્મિક મહત્વ વધુ વધી જાય છે. ચાલો જાણીએ આ દિવસે શું ખાસ છે:
પંચાંગ મુજબ 19 માર્ચે ચૈત્ર શુક્લ પ્રતિપદા તિથિ છે અને આ દિવસથી નવરાત્રીનો આરંભ થાય છે. ઘટસ્થાપના સાથે નવ દિવસીય નવરાત્રિની શરૂઆત થશે
2026માં ચૈત્ર અમાસ પણ 19 માર્ચે જ છે. અમાસ 18 માર્ચ સવારે 08:25થી શરૂ થઈને 19 માર્ચ સવારે 06:52 સુધી રહેશે. આ દિવસે સ્નાન અને દાન કરવું શુભ માનવામાં આવે છે.
19 માર્ચથી વિક્રમ સંવત 2083નું પ્રારંભ થશે. ચૈત્ર શુક્લ પ્રતિપદાથી નવા વર્ષની શરૂઆત માનવામાં આવે છે.
મહારાષ્ટ્ર સહિત અનેક રાજ્યોમાં ગુડી પડવાનો તહેવાર ઉજવાશે. આ દિવસે લોકો ઘર બહાર ગુડી (ધ્વજ) સ્થાપિત કરે છે, જે સમૃદ્ધિ અને શુભતાનું પ્રતિક છે.
આ જ દિવસે અયોધ્યા રામ મંદિરમાં શ્રી રામ યંત્રની સ્થાપના થશે, જે ધાર્મિક રીતે ખૂબ મહત્વપૂર્ણ માનવામાં આવે છે.
ઉગાદીનો તહેવાર પણ 19 માર્ચે ઉજવાશે, જે તેલુગુ નવા વર્ષનો આરંભ છે. ‘ઉગાદી’નો અર્થ ‘યુગની શરૂઆત’ થાય છે.
આ દિવસે મીન રાશિમાં શનિ, સૂર્ય, શુક્ર અને ચંદ્રનો ચતુર્ગ્રહી યોગ બનશે. સાથે જ શુક્લ યોગ પણ રહેશે, જે આ દિવસને વધુ વિશેષ બનાવે છે.
આ પણ વાંચો: Zodiac sign: ખુબજ હોશિયાર અને સમજદાર હોય આ રાશિના જાતકો, મુશ્કેલીમાં રસ્તો કાઢે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)