આ પવિત્ર તિથિએ ભગવાન શિવ અને માતા પાર્વતીની પૂજા કરવાની પરંપરા છે. આ વર્ષે હરિયાળી અમાસ 12 ઓગસ્ટ, 2026ના રોજ મનાવવામાં આવી રહી છે. આ દિવસે ઘણા લોકો વ્રત પણ રાખે છે. પવિત્ર નદીઓ અને જળાશયોમાં સ્નાન કરવું પણ ખૂબ જ પુણ્યદાયક માનવામાં આવે છે.
હરિયાળી અમાસ પર ખાસ કરીને તુલસી અને પીપળાના વૃક્ષની પૂજા કરવામાં આવે છે. શ્રાવણ અમાવસ્યા પિતૃ તર્પણ અને શ્રાદ્ધ કર્મ માટે પણ મહત્વપૂર્ણ માનવામાં આવે છે. જ્યોતિષીય માન્યતાઓ અનુસાર, આ દિવસે કેટલાક વિશેષ ઉપાય કરવાથી જીવનમાં સકારાત્મક પરિવર્તન આવી શકે છે. આ ઉપાય સુખ-શાંતિ, આર્થિક સમૃદ્ધિ અને માનસિક શાંતિ માટે કરવામાં આવે છે.
તુલસી પાસે ઘીનો દીવો પ્રગટાવો
હરિયાળી અમાસના દિવસે સવારે અને સાંજે તુલસીના છોડની સામે ઘીનો દીવો પ્રગટાવવો શુભ માનવામાં આવે છે. દીવો પ્રગટાવતી વખતે માતા લક્ષ્મીનું સ્મરણ કરવું જોઈએ. ધાર્મિક આ ઉપાય કરવાથી માતા લક્ષ્મીની કૃપા પ્રાપ્ત થઈ શકે છે અને ઘરમાં સુખ-સમૃદ્ધિ જળવાઈ રહે છે.
પીપળા નીચે સરસવના તેલનો દીવો કરો
હરિયાળી અમાસની રાત્રે પીપળાના વૃક્ષ નીચે સરસવના તેલનો દીવો પ્રગટાવો. ત્યારબાદ ૐ નમો ભગવતે વાસુદેવાય મંત્રનો 108 વખત જાપ કરો. મંત્રજાપ પૂર્ણ કર્યા પછી પીપળાના વૃક્ષની સાત પરિક્રમા કરવાની પરંપરા છે.
આ ઉપાય કરવાથી આર્થિક સમસ્યાઓમાં રાહત મળી શકે છે અને ઘરમાં નકારાત્મકતા ઓછી થઈ શકે છે.
ચંદ્રમાને અર્ઘ્ય આપો
અમાસ પર એક વાટકીમાં થોડા કાચા ચોખા અને થોડું દૂધ ભેળવો. ત્યારબાદ આ મિશ્રણથી ચંદ્રમાને અર્ઘ્ય આપો. અર્ઘ્ય આપતી વખતે ૐ સોમ સોમાય નમઃ મંત્રનો જાપ કરવો શુભ માનવામાં આવે છે.
આ ઉપાયથી કુંડળીમાં ચંદ્ર સાથે જોડાયેલા દોષોની અસર ઓછી થઈ શકે છે. માનસિક તણાવમાં રાહત મળવાની સાથે ઘરમાં સુખ અને શાંતિનું વાતાવરણ બની શકે છે.
લક્ષ્મી કૃપા માટે શ્રી યંત્ર રાખો
માતા લક્ષ્મીની વિશેષ કૃપા મેળવવા માટે હરિયાળી અમાવસ્યાના દિવસે લાલ કપડામાં 11 ગોમતી ચક્ર, 7 કોડી અને એક શ્રી યંત્ર રાખો. ત્યારબાદ આ પોટલીને ઘરની તિજોરી અથવા જ્યાં પૈસા અને ઘરેણાં રાખવામાં આવે છે ત્યાં રાખી શકાય છે.
આ ઉપાયથી ઘરમાં આર્થિક તંગી દૂર થઈ શકે છે અને ધન-સંપત્તિમાં વૃદ્ધિ તથા બરકત જળવાઈ રહે છે.
આ પણ વાંચો: Surya Grahan: ગ્રહણથી આ રાશિની મુશ્કેલી વધશે, આ ઉપાય કરી જુઓ
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
