માન્યતા છે કે આ દિવસે શ્રદ્ધાપૂર્વક કરેલી પૂજા, વ્રત અને જપથી મહાદેવ ઝડપથી પ્રસન્ન થાય છે. જ્યોતિષ મુજબ કેટલીક રાશિઓ પર ભગવાન શિવની વિશેષ કૃપા માનવામાં આવે છે. આવો જાણીએ એવી 4 રાશિઓ વિશે, જેમને આ મહાશિવરાત્રિ પર ખાસ આશીર્વાદ મળી શકે છે.
મેષ રાશિ:
મેષ રાશિના સ્વામી મંગળ છે અને શિવજીને મંગળ દોષ શાંત કરનાર દેવતા માનવામાં આવે છે. મહાશિવરાત્રિના દિવસે રુદ્રાભિષેક કરવો અને “ૐ નમઃ શિવાય” મંત્રનો 108 વખત જપ કરવો લાભદાયક રહેશે. કારકિર્દી અને સ્વાસ્થ્ય સંબંધિત સમસ્યાઓમાં રાહત મળી શકે છે. આત્મવિશ્વાસમાં વધારો થશે.
વૃષભ રાશિ:
વૃષભ રાશિના સ્વામી શુક્ર છે અને શિવ પરિવાર સાથે તેમનો વિશેષ સંબંધ માનવામાં આવે છે. આ રાશિના જાતકોને આર્થિક લાભ અને પારિવારિક સુખ મળી શકે છે. શિવલિંગ પર દૂધ અને મધ અર્પણ કરવું શુભ રહેશે.
સિંહ રાશિ:
સૂર્યની રાશિ સિંહ પર મહાદેવની કૃપાથી માન-સન્માન અને પ્રતિષ્ઠામાં વધારો થઈ શકે છે. નોકરી અને વ્યવસાયમાં નવી જવાબદારીઓ મળી શકે છે. બિલ્વપત્ર અર્પણ કરી શિવ ચાલીસાનો પાઠ કરવો લાભકારી રહેશે.
વૃશ્ચિક રાશિ:
વૃશ્ચિક રાશિના સ્વામી પણ મંગળ છે, તેથી આ રાશિ શિવજીને પ્રિય માનવામાં આવે છે. જીવનની અડચણો દૂર થશે અને અટકેલા કાર્યો પૂર્ણ થઈ શકે છે. ગંગાજળ અને કાચું દૂધથી અભિષેક કરવો શુભ રહેશે.
મહાશિવરાત્રિના દિવસે બ્રહ્મ મુહૂર્તમાં પૂજા કરવી, વ્રત રાખવું અને રાત્રિ જાગરણ કરવું વિશેષ પુણ્યદાયક માનવામાં આવે છે. સાચી શ્રદ્ધાથી કરેલી ઉપાસનાથી મહાદેવની કૃપા નિશ્ચિત પ્રાપ્ત થાય છે.
આ પણ વાંચો: Rudraksha: આત્મવિશ્વાસ વધારવા અને મુશ્કેલીઓથી મુક્તિ માટે ધારણ કરો રૂદ્રાક્ષ, જાણો ધારણ કરવાની વિધિ
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
