આ દિવસે પવિત્ર ગંગા દશેરાનો શુભ તહેવાર ઉજવાશે અને સાથે જ બુધ ગ્રહ નક્ષત્ર પરિવર્તન કરવા જઈ રહ્યા છે. બુધનું નક્ષત્ર પરિવર્તન 25 મે 2026, સોમવારની રાત્રે 11 વાગ્યાને 49 મિનિટે થશે. આ ગોચરના પ્રભાવથી ભાગ્યશાળી રાશિઓને કરિયર અને વેપારમાં સફળતા મળશે.
જ્યોતિષ શાસ્ત્રમાં બુધને બુદ્ધિ, વેપાર, વાણી અને ધનનો કારક ગ્રહ માનવામાં આવે છે. આવી સ્થિતિમાં બુધનું આ નક્ષત્ર પરિવર્તન કેટલીક રાશિઓ માટે ભાગ્ય ચમકાવનાર સાબિત થઈ શકે છે.
ગંગા દશેરાના પવિત્ર અવસર પર બની રહેલો આ શુભ યોગ આર્થિક બાબતોમાં ખાસ લાભ આપનાર રહેશે. લાંબા સમયથી અટકેલા કામ પૂર્ણ થઈ શકે છે અને ધનલાભના નવા રસ્તા ખુલવાની શક્યતા છે. વેપાર કરતા લોકોને અચાનક મોટો લાભ મળી શકે છે. જ્યારે નોકરી કરતા લોકોને પ્રમોશન, નવી જવાબદારી અથવા પગારમાં વધારો જેવી ખુશખબર મળી શકે છે.
મિથુન, સિંહ, તુલા, ધન અને કુંભ રાશિના જાતકો માટે આ સમય ખાસ લાભદાયક માનવામાં આવી રહ્યો છે. આ રાશિના લોકોની આર્થિક સ્થિતિ મજબૂત બની શકે છે. પરિવારમાં ખુશીનું વાતાવરણ રહેશે અને માન-સન્માનમાં પણ વધારો થવાની શક્યતા છે.
આ દરમિયાન બુધ ગ્રહની શુભતા મેળવવા માટે ભગવાન વિષ્ણુ અને માતા ગંગાની પૂજા કરવી લાભદાયક રહેશે. ગંગાજળથી સ્નાન, દાન-પુણ્ય અને “ૐ બુઁ બુધાય નમઃ” મંત્રનો જાપ કરવાથી વિશેષ ફળ મળી શકે છે. ગંગા દશેરા પર કરવામાં આવેલ શુભ કાર્ય અનેક ગણું પુણ્ય આપનાર માનવામાં આવે છે.
આ પણ વાંચો: Rahu-Ketu Transit 2026: રાહુ-કેતુના ગોચરથી પલટાશે દેશ-દુનિયાની હાલત
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)