મહિનાની શરૂઆતમાં જ કુંભ રાશિમાં બુધ, મંગળ, સૂર્ય અને રાહુ એકત્ર થતાં ‘ચતુર્ગ્રહી યોગ’ બનશે. તેના પ્રભાવથી બુધાદિત્ય, મંગળાદિત્ય અને નવપંચમ જેવા શક્તિશાળી રાજયોગ સક્રિય રહેશે, જે વેપાર અને પ્રશાસનિક ક્ષેત્રોમાં મોટી પ્રગતિ લાવી શકે છે. શનિ મીનમાં અને ગુરુ મિથુનમાં હોવાને કારણે આ સમયની ઊર્જા વધુ મજબૂત બનશે.
મહિનાની શરૂઆતમાં કુંભ રાશિ ગ્રહોનું મુખ્ય કેન્દ્ર રહેશે, જેના કારણે શાસન, પ્રશાસન અને ટેક્નોલોજી ક્ષેત્રોમાં મોટા ફેરફારો જોવા મળી શકે છે. બુધાદિત્ય અને મંગળાદિત્ય યોગ નિર્ણયક્ષમતા અને સાહસ વધારશે, જે વ્યાવસાયિક વિકાસ માટે ઉત્તમ છે.
શુક્રનો માલવ્ય રાજયોગ અને ગોચર
2 માર્ચે શુક્ર મીન રાશિમાં પ્રવેશ કરશે, જ્યાં તે ઉચ્ચસ્થિત થઈ ‘માલવ્ય રાજયોગ’ બનાવશે. આ દરમિયાન શુક્ર અને શનિની યુતિ વૈભવ અને સ્થિરતાનો સંતુલન લાવશે. 3 માર્ચે બુધ શ્રવણ નક્ષત્રમાં જશે અને મંગળ પણ નક્ષત્ર પરિવર્તન કરશે, જે ઊર્જાના પ્રવાહને નવી દિશા આપશે.
શુક્રાદિત્ય રાજયોગ અને નક્ષત્ર પરિવર્તન
4 માર્ચે શુક્ર ઉત્તરાભાદ્રપદ અને 5 માર્ચે સૂર્ય પૂર્વાભાદ્રપદ નક્ષત્રમાં પ્રવેશ કરશે, જેના કારણે ‘ત્રિગ્રહી યોગ’ બનશે અને ‘શુક્રાદિત્ય રાજયોગ’ રચાશે. આ સમય સર્જનાત્મક કાર્ય અને કલાજગત માટે સુવર્ણ સમય સમાન રહેશે. 26 માર્ચે શુક્ર મેષ રાશિમાં જશે, જે સંબંધો અને વેપારમાં નવી ઊર્જા લાવશે.
રાહુનું નક્ષત્ર પરિવર્તન અને સમાપન
મહિનાના અંતે રાહુની સ્થિતિ મહત્વપૂર્ણ રહેશે. 29 માર્ચે રાહુ શતભિષા નક્ષત્રમાં અને 31 માર્ચે રેવતી નક્ષત્રમાં પ્રવેશ કરશે. રાહુનુ આ ગોચર માનસિક સ્પષ્ટતા વધારશે અને ભવિષ્યની મોટી યોજનાઓને હકીકતમાં બદલવામાં મદદ કરશે. આ મહિનો આધ્યાત્મિક તેમજ ભૌતિક બંને ક્ષેત્રોમાં પ્રગતિ લાવનાર રહેશે.
મેષ રાશિ
26 માર્ચે શુક્ર તમારી રાશિમાં પ્રવેશ કરીને આકર્ષણ અને આત્મવિશ્વાસ વધારશે. કારકિર્દીમાં નવા અવસર મળશે, આર્થિક સ્થિતિ સુધરશે અને અટકેલા કામ પૂરા થશે.
વૃષભ રાશિ
ઉચ્ચસ્થિત શુક્ર તમારા લાભસ્થાનને મજબૂત બનાવશે. આવકના નવા સ્ત્રોત ઊભા થઈ શકે છે અને સામાજિક પ્રતિષ્ઠા વધશે. નોકરીમાં પ્રમોશન અથવા નવી જવાબદારી મળી શકે છે.
મીન રાશિ
2 માર્ચથી ઉચ્ચ શુક્ર તમારી રાશિમાં માલવ્ય રાજયોગ બનાવશે. વ્યક્તિત્વમાં તેજ આવશે, આર્થિક સ્થિતિ મજબૂત બનશે અને દાંપત્ય જીવનમાં સુખ વધશે. શનિના પ્રભાવથી મહેનતનું ફળ પણ મળશે.
તુલા રાશિ
શુક્ર તમારા સ્વામી ગ્રહ હોવાથી તેનો ઉચ્ચ સ્થાન કારકિર્દી અને ભાગીદારીમાં લાભ આપશે. વ્યવસાય વિસ્તરણના યોગ બનશે અને પારિવારિક જીવનમાં સંતુલન રહેશે.
સિંહ રાશિ
કુંભમાં બનેલા ગ્રહયોગ તમારા માટે ભાગ્યવૃદ્ધિના સંકેત આપે છે. વિદેશ સંબંધિત કામોમાં સફળતા મળી શકે છે, માન-સન્માન વધશે અને નવી યોજનાઓ સફળ થઈ શકે છે.
આ પણ વાંચો: Chandra Grahan 2026: હોળી પર આસમાનમાં દેખાશે બ્લડ મૂન, દુર્લભ ખગોળીય ઘટના જોવા મળશે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
