તેથી ઘણા લોકો આ રત્ન પહેરતા જોવા મળે છે. અનેક સેલિબ્રિટીઓ પણ મૂંગો પહેરી ચૂક્યા છે. આ રત્ન ધારણ કરવાથી સાહસ અને આત્મવિશ્વાસ વધે છે તેમજ ક્રોધ, ભય અને માનસિક તણાવમાં ઘટાડો થાય છે. બૃહત પરાશર હોરા શાસ્ત્રમાં મૂંગાના ઉપયોગ વિશે વિગતવાર ઉલ્લેખ છે. પોખરાજ અથવા નીલમ જેટલું મોંઘું ન હોવા છતાં બજારમાં નકલી મૂંગા પણ ઘણી માત્રામાં મળે છે.
મૂંગા રત્ન શું છે?
મૂંગા સમુદ્રમાં મળતું કુદરતી રત્ન છે. તે કોરલ પોલિપ્સ નામના સમુદ્રી જીવના કંકાલનું કઠોર સ્વરૂપ છે. આ એક કુદરતી જૈવિક રત્ન છે અને મંગળ ગ્રહ સાથે સંબંધિત છે. મંગળ સાહસ, ઊર્જા અને ઇચ્છાશક્તિનું નિયંત્રણ કરનાર માનવામાં આવે છે. તેથી મૂંગા ભય, તણાવ અને આત્મવિશ્વાસની કમી દૂર કરવામાં મદદ કરે છે. નોકરી અને વ્યવસાયમાં પણ લાભના યોગ વધે છે.
મૂંગાના પ્રકાર
મૂંગા રત્ન સામાન્ય રીતે પાંચ રંગમાં મળે છે. લાલ મૂંગા સૌથી ઉત્તમ માનવામાં આવે છે. ગુલાબી મૂંગા સૌંદર્ય અને આકર્ષણ માટે, સફેદ મૂંગા માનસિક શાંતિ અને આરોગ્ય માટે ઉપયોગી ગણાય છે. ઉપરાંત કાળો અને પીળો મૂંગા પણ મળે છે.
મૂંગા પહેરવાના લાભ
માંગલિક દોષ ઘટાડવામાં મદદ કરે છે
સાહસ, નેતૃત્વ અને શક્તિમાં વધારો કરે છે
રક્ત અને હાડકાં સંબંધિત સમસ્યામાં લાભકારી
નકારાત્મક ઊર્જા ઘટાડે અને સકારાત્મકતા વધારે
વ્યવસાય અને કાર્યક્ષેત્રમાં સફળતા અપાવે
માનસિક તણાવ, ભય અને ગભરાટ ઓછો કરે
દાંપત્ય જીવનમાં સુમેળ લાવે
શરીર અને મન બંનેને મજબૂત બનાવે
બાળકોને નજરદોષ અને નકારાત્મક શક્તિથી બચાવે
કોને મૂંગો પહેરવો જોઈએ?
મેષ અને વૃશ્ચિક રાશિના જાતકો માટે શુભ
કુંડળીમાં મંગળ નબળો હોય તો
માંગલિક દોષ હોય તો
સૈનિક, પોલીસ, ખેલાડી, ડૉક્ટર અથવા નેતાઓ માટે લાભદાયક
મંગળ 6મા, 8મા અથવા 12મા ભાવમાં હોય તો
કોને ન પહેરવો જોઈએ?
વૃષભ, કુંભ, તુલા, મિથુન અને કન્યા રાશિના જાતકોને મૂંગો ન પહેરવો જોઈએ. જો પહેરવો હોય તો જ્યોતિષીની સલાહ લેવી જરૂરી છે.
કયા રત્નો સાથે ન પહેરવો
મૂંગો પન્ના, હીરા, નીલમ, મોતી અથવા ઓપલ સાથે ન પહેરવો. મણિક સાથે પહેરી શકાય છે.
આ પણ વાંચો: Chandra Grahan 2026:સૂર્યની રાશિમાં વર્ષનું પહેલુ ચંદ્ર ગ્રહણ, જાણીલો બ્લડ મૂન ક્યા દેખાશે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
