આ રત્નનો સંબંધ ધન, વૈભવ અને સુખના કારક ગ્રહ શુક્ર સાથે જોડાયેલો માનવામાં આવે છે. સફેદ પોખરાજ આકર્ષણ, વૈવાહિક સુખ, આર્થિક સમૃદ્ધિ અને માનસિક શાંતિ માટે લાભદાયી માનવામાં આવે છે. માન્યતા મુજબ, તેને ધારણ કરવાથી જીવનમાં સકારાત્મક ઊર્જાનો પ્રવાહ વધે છે અને શુક્ર ગ્રહના શુભ ફળ પ્રાપ્ત થાય છે.
આ રાશિઓ માટે શુભ માનવામાં આવે છે સફેદ પોખરાજ
જ્યોતિષીય માન્યતાઓ અનુસાર સફેદ પોખરાજ ખાસ કરીને વૃષભ, મિથુન, કન્યા, તુલા, મકર અને કુંભ રાશિના જાતકો માટે લાભદાયી માનવામાં આવે છે. આ રાશિના લોકોને પ્રેમ સંબંધો, દાંપત્ય જીવન, કારકિર્દી અને આર્થિક બાબતોમાં સકારાત્મક પરિણામો મળી શકે છે.
આ ઉપરાંત મેષ, વૃશ્ચિક અને કર્ક રાશિના લોકો પણ સફેદ પોખરાજ ધારણ કરી શકે છે. જો જન્મકુંડળીમાં શુક્ર ગ્રહ નબળો હોય તો પણ આ રત્ન ધારણ કરવું લાભદાયી માનવામાં આવે છે. અન્ય રાશિના જાતકો વ્યક્તિગત કુંડળીના આધારે જ્યોતિષીની સલાહથી તેને ધારણ કરી શકે છે.
સફેદ પોખરાજ ધારણ કરવાના લાભ
વૈવાહિક જીવનમાં પ્રેમ, મધુરતા અને સુમેળ વધે છે.
પ્રેમ સંબંધોમાં મજબૂતી અને આકર્ષણ વધે છે.
આર્થિક સ્થિતિમાં સુધારો અને ધનલાભના યોગ સર્જાય છે.
કલા, ફેશન, મીડિયા અને મનોરંજન ક્ષેત્ર સાથે જોડાયેલા લોકો માટે શુભ માનવામાં આવે છે.
માનસિક તણાવ ઘટાડવામાં અને આત્મવિશ્વાસ વધારવામાં મદદરૂપ માનવામાં આવે છે.
સુખ-સુવિધાઓ અને ભૌતિક સમૃદ્ધિમાં વધારો કરે છે.
મીડિયા, ફેશન ડિઝાઇનિંગ, મોડેલિંગ, ફિલ્મ ઇન્ડસ્ટ્રી અથવા લક્ઝરી વસ્તુઓના વ્યવસાય સાથે સંકળાયેલા લોકો માટે ખાસ લાભદાયી માનવામાં આવે છે.
સફેદ પોખરાજ ધારણ કરવાની યોગ્ય વિધિ
ધાર્મિક માન્યતાઓ અનુસાર શુક્રવારે સફેદ પોખરાજ ધારણ કરવો શુભ માનવામાં આવે છે. તેને ચાંદી, સફેદ સોનું અથવા પ્લેટિનમની વીંટીમાં જડાવીને પહેરી શકાય છે.
ધારણ કરતા પહેલાં રત્નને કાચા દૂધ, ગંગાજળ, મધ અને શુદ્ધ પાણીથી શુદ્ધ કરો. ત્યારબાદ માતા લક્ષ્મી અને શુક્ર દેવનું ધ્યાન ધરી “ૐ શું શુક્રાય નમઃ” મંત્રનો 108 વખત જાપ કરો. ત્યારબાદ વીંટીને જમણા હાથની અનામિકા (રિંગ ફિંગર)માં ધારણ કરો.
આ પણ વાંચો: Guru Gochar 2026: દેવતાઓના ગુરૂ બૃહસ્પતિની શનિ પર પડી દૃષ્ટિ, તમામ રાશિ પર કેવી થશે અસર
