જુલાઈથી ડિસેમ્બર સુધીનો સમય જ્યોતિષીય દૃષ્ટિએ ખૂબ ખાસ માનવામાં આવી રહ્યો છે. આ દરમિયાન શનિ દેવ પોતાની ચાલ, સ્થિતિ અને નક્ષત્રમાં 4 મોટા ફેરફાર કરશે. શનિની બદલાતી ચાલની સીધી અસર કેટલીક ભાગ્યશાળી રાશિઓના કરિયર, બિઝનેસ અને આર્થિક સ્થિતિ પર જોવા મળશે. ચાલો જાણીએ કે ડિસેમ્બર સુધી શનિ દેવ ક્યારે-ક્યારે પોતાની ચાલ બદલશે અને કઈ રાશિઓનું ભાગ્ય ચમકશે.
2 જુલાઈ 2026 (શનિ પદ નક્ષત્ર પરિવર્તન)
જુલાઈની શરૂઆતમાં શનિ દેવ બુધના રેવતી નક્ષત્રના બીજા પદમાં પ્રવેશ કરશે.
27 જુલાઈ 2026 (વક્રી ચાલ)
શનિ દેવ મીન રાશિમાં રહી પોતાની વક્રી ચાલ શરૂ કરશે. આ વક્રી અવસ્થા કુલ 138 દિવસ સુધી રહેશે. આ દરમિયાન શનિ દેવ કર્મોનું કડક મૂલ્યાંકન કરશે.
9 ઓક્ટોબર 2026 (નક્ષત્રમાં વાપસી)
વક્રી ચાલ દરમિયાન શનિ દેવ રેવતી નક્ષત્રમાંથી પાછા ફરી ‘ઉત્તરા ભાદ્રપદ’ નક્ષત્રમાં પ્રવેશ કરશે.
11 ડિસેમ્બર 2026 (માર્ગી ચાલ)
વર્ષના અંતમાં શનિ દેવની વક્રી ચાલ પૂર્ણ થશે અને તેઓ ફરી સીધી એટલે કે માર્ગી ચાલ શરૂ કરશે. તેના કારણે અટકેલા કામોમાં ઝડપ આવશે.
વૃષભ રાશિના લોકો માટે શનિ દેવની આ ચાલ પ્રગતિના નવા માર્ગ ખોલશે. નોકરી કરતા લોકોને પ્રમોશન અથવા નવી જવાબદારીઓ મળી શકે છે. લાંબા સમયથી અટકેલા પૈસા પાછા મળવાની સંભાવના છે. વેપારમાં રોકાણથી સારો લાભ મળશે અને પરિવારનું વાતાવરણ ખુશનુમા રહેશે.
મિથુન રાશિના જાતકો માટે આ સમય નવી આશાઓ લઈને આવશે. લાંબા સમયથી નોકરી શોધી રહેલા યુવાનોને સારા સમાચાર મળી શકે છે. કરિયરમાં આગળ વધવા માટે અનેક સુવર્ણ તકો મળશે. બિઝનેસમાં નવા લોકો સાથે સંપર્ક વધશે, જે ભવિષ્યમાં મોટો લાભ આપશે. સમાજમાં માન-સન્માન અને પ્રતિષ્ઠામાં વધારો થશે.
તુલા રાશિના જાતકો પર શનિ દેવની વિશેષ કૃપા રહેશે. કાર્યક્ષેત્રમાં મોટા બદલાવના યોગ છે. જે લોકો નોકરી બદલવાનું વિચારી રહ્યા છે, તેમને મનગમતી નવી તક મળી શકે છે. વેપારમાં મોટો નફો થશે અને આર્થિક સ્થિતિ વધુ મજબૂત બનશે. વિદેશ સાથે જોડાયેલા કામ કરતા લોકોને આ સમયગાળામાં મોટી સફળતા મળી શકે છે.
આ પણ વાંચો: Key Chain : ઘરમાં ચાવીને ગમે ત્યાં મુકતા પહેલા સંભાળજો, આ ગ્રહ થાય નારાજ ધનહાનિના સંકેત
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)