ધાર્મિક માન્યતા અનુસાર આ દિવસે વિધિ-વિધાનથી ભગવાન વિષ્ણુ અને માતા લક્ષ્મીની પૂજા કરવાથી જીવનના કષ્ટો દૂર થાય છે અને સુખ-સમૃદ્ધિ, વૈભવ તેમજ આધ્યાત્મિક ઉન્નતિના આશીર્વાદ મળે છે. ખાસ વાત એ છે કે પદ્મિની એકાદશી માત્ર અધિક માસમાં જ આવે છે, તેથી તેનું મહત્વ સામાન્ય એકાદશી કરતાં અનેક ગણું વધુ માનવામાં આવે છે.
આ વર્ષે પદ્મિની એકાદશીનું વ્રત 27 મેના રોજ રાખવામાં આવશે. આ દિવસે રવિ યોગ અને સર્વાર્થ સિદ્ધિ યોગ પણ બની રહ્યા છે, જેના કારણે આ દિવસનું મહત્વ વધુ વધી ગયું છે.
પંચાંગ અનુસાર જેઠ અધિક માસના શુક્લ પક્ષની એકાદશી તિથિ 26 મેના રોજ સવારે 5 વાગ્યાને 11 મિનિટે શરૂ થશે. આ તિથિનું સમાપન 27 મેના રોજ સવારે 6 વાગ્યાને 22 મિનિટે થશે. ઉદયાતિથિના આધારે પદ્મિની એકાદશીનું વ્રત 27 મે, બુધવારના રોજ રાખવામાં આવશે.
પદ્મિની એકાદશીના દિવસે બ્રહ્મ મુહૂર્ત સવારે 4:03 થી 4:44 સુધી રહેશે. આ દરમિયાન સ્નાનાદિ કરીને વ્રત અને પૂજાનો સંકલ્પ લઈ શકાય છે.
લાભ મુહૂર્ત સવારે 5:26 થી 7:08 સુધી રહેશે.
અમૃત-સર્વોત્તમ મુહૂર્ત સવારે 7:08 થી 8:52 સુધી રહેશે.
શુભ-ઉત્તમ મુહૂર્ત સવારે 10:35 થી બપોરે 12:18 સુધી રહેશે.
આ સમય દરમિયાન ભગવાન વિષ્ણુની પૂજા કરવી અત્યંત શુભ માનવામાં આવે છે.
સનાતન ધર્મમાં પદ્મિની એકાદશીને પાપોનો નાશ કરનારી અને મોક્ષ પ્રદાન કરનારી તિથિ કહેવામાં આવી છે. માન્યતા છે કે આ દિવસે વ્રત રાખીને શ્રીહરી વિષ્ણુનું ધ્યાન કરવાથી અશ્વમેધ યજ્ઞ જેટલું પુણ્યફળ પ્રાપ્ત થાય છે.
પૌરાણિક કથાઓ અનુસાર પદ્મિની એકાદશીનું વ્રત કરવાથી જીવનમાં સુખ, શાંતિ અને ધન-ધાન્યમાં વધારો થાય છે. સાથે જ ભગવાન વિષ્ણુ અને માતા લક્ષ્મીની વિશેષ કૃપા પ્રાપ્ત થાય છે.
આ પણ વાંચો: Trigrahi Yog 2026: મિથુન રાશિમાં ગ્રહોનું મિલન, આ રાશિના પ્રગત્તિના દ્વાર ખુલશે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)