- 26 સપ્ટેમ્બર સોમવારથી શારદીય નવરાત્રિનો પ્રારંભ
- ઘટસ્થાપન કરીને શાશ્વત જ્યોત પ્રજ્વલિત રાખો
- નવરાત્રિમાં સ્વચ્છતા રાખવાનું ભૂલશો નહીં
26 સપ્ટેમ્બર સોમવારથી શારદીય નવરાત્રિનો પ્રારંભ થઈ રહ્યો છે. આ દરમિયાન ભક્તો મા દુર્ગાના 9 સ્વરૂપોની પૂજા માટે ઘટસ્થાપન કરે છે અને વ્રત રાખે છે અને નિયમ પ્રમાણે પૂજા કરે છે. આ સાથે મા દુર્ગાની કૃપાથી દરેક મનોકામના પૂર્ણ થાય છે. માતાના વિશેષ આશીર્વાદ મેળવવા અને નવરાત્રિની પૂજાનું સંપૂર્ણ ફળ મેળવવા માટે ભક્તોએ નવરાત્રિ દરમિયાન આ 10 કામ કરવા જોઇએ નહી તેનાથી માતા દુર્ગા થાય છે નારાજ
નવરાત્રિમાં આ કામ ન કરો
જો તમે શારદીય નવરાત્રિમાં 9 દિવસનું વ્રત રાખો છો અને તમારા ઘરમાં ઘટસ્થાપન કરીને શાશ્વત જ્યોત પ્રજ્વલિત રાખો છો, તો આવી સ્થિતિમાં ઘરને ખાલી ન રાખો. ઘર પર તાળુ ન મારો કોઇ એક વ્યક્તિતો હાજર રહેવુ જોઇએ જ.
જો તમે નવરાત્રિમાં ઘટસ્થાપન કરીને માતા દુર્ગાને આમંત્રણ આપ્યું છે, તો તમારે સવારે અને સાંજે બંને સમયે આરતી અને પૂજા કરવાનું ભૂલવું જોઈએ નહીં. ઉપરાંત, માતાને ભોગ ધરાવવાનું ભૂલશો નહી.
નવરાત્રિમાં સ્વચ્છતા રાખવાનું ભૂલશો નહીં. આ દરમિયાન, સૂર્યોદય પછી, સ્નાન કર્યા પછી, સ્વચ્છ વસ્ત્રો પહેરીને પૂજા કરો. નહિ તો મા દુર્ગા નારાજ થશે.
નવરાત્રિના 9 દિવસ સુધી કાળા કપડા ન પહેરો. ચામડાના બેલ્ટ, શૂઝ વગેરે ન પહેરો.
નવરાત્રિ દરમિયાન વાળ, દાઢી અને નખ કાપવા નહીં.
નવરાત્રિ દરમિયાન ઘરમાં શાંતિ રાખો તકરાર કે લડાઇ ન કરો. કોઈની સાથે ઝઘડો ન કરો. નહિ તો માતા ગુસ્સે થાય છે.
નવરાત્રિમાં ડુંગળી, લસણ અને માંસ-દારૂ જેવો ખોરાક બિલકુલ ન ખાઓ. આ સાથે નવરાત્રિ દરમિયાન અનાજ અને મીઠાનું સેવન ન કરવું શ્રેષ્ઠ છે. આ દરમિયાન માત્ર સાત્વિક વસ્તુઓ જ ખાઓ અથવા ફળ ખાઓ.
નવરાત્રિ દરમિયાન વ્રત રાખનારાઓએ નવ દિવસ સુધી પથારી પર ન સૂવું જોઈએ. તેઓએ જમીન પર સાદડી પર સૂવું જોઈએ.
શારદીય નવરાત્રિ વ્રત દરમિયાન દુર્ગા ચાલીસા અથવા દુર્ગા સપ્તશતીનો પાઠ કરતી વખતે અન્ય લોકો સાથે બોલશો નહીં. નહિ તો પૂજા અધૂરી ગણાય છે.
નવરાત્રિ દરમિયાન કોઈના પ્રત્યે નકારાત્મક વિચારો ન લાવવા જોઈએ. કોઈને પરેશાન ન કરવા જોઈએ
