Navratri 2024: નવરાત્રિમાં પ્રથમ વખત કાશી વિશ્વનાથ ધામના ગર્ભગૃહમાં બીરાજશે માતા રાણી

3જી ઓક્ટોબરથી શારદીય નવરાત્રિનો પ્રારંભ થઈ રહ્યો છે. ભગવાન શિવના શહેરમાં પણ ભક્તો તેને ખૂબ જ ધામધૂમથી ઉજવે છે. પરંતુ પ્રથમ વખત કાશી વિશ્વનાથ મંદિરમાં પણ નવ દિવસ સુધી અલગ-અલગ દેવીની પૂજા કરવામાં આવશે. મંદિર પ્રશાસન શારદીય નવરાત્રિની ખાસ તૈયારીઓમાં વ્યસ્ત છે. કાશી વિશ્વનાથ મંદિરના ગર્ભગૃહમાં માતાને બિરાજમાન કરવામાં આવશે. ઉપરાંત મંદિર પરિસરમાં કળશની સ્થાપના કરવામાં આવશે.

 કાશી વિશ્વનાથ મંદિરમાં માતાના ભક્તો 9 દિવસ સુધી ગર્ભગૃહમાં માતાના વિવિધ સ્વરૂપોની પૂજા કરશે

મંદિર પ્રશાસન દ્વારા આપવામાં આવેલી માહિતી અનુસાર, કાશી વિશ્વનાથ મંદિરમાં માતાના ભક્તો 9 દિવસ સુધી ગર્ભગૃહમાં માતાના વિવિધ સ્વરૂપોની પૂજા અને દર્શન કરી શકશે. કાશી વિશ્વનાથ મંદિરમાં પ્રથમ વખત નવરાત્રિ દરમિયાન ભક્તો ભગવાન વિશ્વનાથની સાથે દેવી પાર્વતીના વિવિધ સ્વરૂપોના દર્શન કરી શકશે. વિશ્વનાથ મંદિર પરિસરમાં કળશની સ્થાપનાની સાથે 9 દિવસ સુધી તમામ ધાર્મિક વિધિઓ પૂર્ણ થશે.

3જી ઓક્ટોબરના રોજ કળશ સ્થાપન

શારદીય નવરાત્રિના પ્રથમ દિવસે 3 ઓક્ટોબરે સર્વાર્થ સિદ્ધિ યોગ અને શુભ મુહૂર્ત દરમિયાન વિધિ પ્રમાણે કળશની સ્થાપના કરવામાં આવશે. કળશની સ્થાપનાની સાથે સાથે દરરોજ દેવીની પૂજા અને સાંસ્કૃતિક કાર્યક્રમોનું આયોજન કરવામાં આવશે. બનારસ લોકગીત પચારા, બંગાળી લોક નૃત્ય ધનુચી, મહિષાસુરમર્દિની સ્તોત્ર પર નૃત્ય, રામ-રાવણ યુદ્ધની સાથે રામાયણના અન્ય પાત્રો સાથે રામાયણની ચોપાઈઓનું વાંચન કરવામાં આવશે.

9 દિવસનો કાર્યક્રમ આ પ્રકારનો રહેશે

પ્રથમ દિવસે સાંજે મંદિરના ચોક પરિસરમાં ભજન લોકગીતનો કાર્યક્રમ થશે. બીજા દિવસે રામલીલાનું મંચન થશે. ત્રીજા દિવસે રાવણનો વધ કરવામાં આવશે, ત્યારબાદ મંદિર પરિસમમાં અનેક સાંસ્કૃતિક કાર્યક્રમોનું આયોજન કરવામાં આવશે. ચોથા દિવસે, બંગાળી લોકનૃત્ય રજૂ કરવામાં આવશે અને પાંચમા દિવસે, 51 શક્તિપીઠોને પ્રતિબિંબિત કરતી 51 માતૃશક્તિઓ દ્વારા લલિતા સહસ્ત્ર સ્ત્રાવ રજૂ કરવામાં આવશે. છઠ્ઠા દિવસે મહિષાસુર મર્દિની સ્તોત્ર પર નૃત્ય, સાતમા દિવસે દેવીના ભજન, આઠમા દિવસે દેવીના 9 સ્વરૂપો દર્શાવવામાં આવશે, નવમા દિવસે સવારે હવન પૂજા અને સાંજે ભજનનું આયોજન કરવામાં આવશે.