ગ્રહોના રાજા, સૂર્યદેવ, 16 સપ્ટેમ્બરના રોજ સિંહ રાશિમાંથી કન્યા રાશિમાં રાશિ પરિવર્તન કરી ચૂક્યા છે, જ્યાં કેતુ પહેલેથી જ હાજર છે. આ કારણે કન્યા રાશિમાં સૂર્ય અને કેતુનો ખતરનાક યુતિ રચાઇ છે. કન્યા રાશિમાં બેઠેલા સૂર્ય કોઈપણ રીતે બહુ બળવાન નથી. વૈદિક જ્યોતિષશાસ્ત્રમાં સૂર્ય અને કેતુની યુતિ શુભ ફળ આપનાર માનવામાં આવતી નથી. જ્યોતિષ ગ્રંથોમાં તેને ગ્રહણ દોષ કહેવામાં આવ્યું છે. આ ગ્રહણની અસરથી કોઈ પણ રાશિ અછૂત નહીં રહે. પરંતુ આ 3 રાશિઓ માટે અત્યંત નકારાત્મક સાબિત થઈ શકે છે. 16 ઓક્ટોબર પછી જ તેમને રાહત મળશે. આવો જાણીએ આ 3 રાશિઓ કઈ છે અને આ રાશિના લોકોના જીવન પર શું નકારાત્મક પ્રભાવ પડવાની શક્યતા છે?
મેષ રાશિ
મેષ રાશિના લોકો સૂર્ય-કેતુની યુતિથી બનેલા ગ્રહણ યોગની નકારાત્મક અસરોને કારણે ચીડિયા અને ગુસ્સે થઈ શકે છે. તમારા સ્વભાવમાં નકારાત્મકતા વધી શકે છે અને ધીરજ ઘટી શકે છે. આવકના સ્ત્રોતમાં વિક્ષેપને કારણે નાણાકીય સ્થિતિ નબળી પડી શકે છે. નોકરી કરતા લોકોને ઓફિસમાં સહકર્મીઓ સાથે વિવાદ થઈ શકે છે. વેપારમાં નુકસાન થવાની સંભાવના છે. તમારે અત્યારે નવા રોકાણથી બચવું જોઈએ. મિત્રો સાથે મતભેદ થઈ શકે છે. પ્રેમ જીવનમાં તણાવ અને અવિશ્વાસ વધી શકે છે.
વૃશ્ચિક રાશિ
સૂર્ય-કેતુ યુતિની અસરને કારણે વૃશ્ચિક રાશિના લોકોમાં લાગણીને લઇને ઉતાર ચઢાવ આવી શકે છે એકલતા અનુભવશો. મનમાં ખાલીપા રહેશે. ઓફિસમાં કામનો બોજ વધવાથી તણાવ વધશે. આવકમાં ઘટાડો થવાથી તમે ચિંતિત રહેશો. ભાગીદારીના વ્યવસાયમાં ભાગીદારો સાથે વિવાદ થઈ શકે છે. વેપારમાં નુકસાન થવાની સંભાવના છે. વિદ્યાર્થીઓની એકાગ્રતા ઘટશે. અભ્યાસમાં રસ ઓછો રહેશે. પરિવારના સભ્યો સાથે મતભેદ થઈ શકે છે. મુસાફરીમાં અવરોધો આવી શકે છે અને અકસ્માતનો ભય પણ છે.
મકર રાશિ
મકર રાશિના લોકો સૂર્ય-કેતુની યુતિથી બનેલા ગ્રહણ યોગની નકારાત્મક અસરોને કારણે ચિંતિત અને હતાશ રહી શકે છે. વેપારમાં તમારે આર્થિક સંકટનો સામનો કરવો પડી શકે છે. અચાનક આર્થિક નુકસાન થઈ શકે છે. વેપારમાં નુકસાનને કારણે તમે બેચેન રહેશો. કાર્યસ્થળ પર માનસિક તણાવ વધી શકે છે. પ્રમોશનમાં વિલંબ થઈ શકે છે. માનસિક તણાવ સ્વાસ્થ્ય પર વિપરીત અસર કરશે. સાંધાનો દુખાવો, હાડકામાં દુખાવો અને ત્વચાની સમસ્યા થઈ શકે છે.
