અમેરિકાની ચૂંટણીમાં ટ્રમ્પની લીડ જોઈને ભારતીય શેરબજારના રોકાણકારોનો ઉત્સાહ વધ્યો છે. જેથી ભારતીય બજાર બુધવારે તેજી સાથે ખુલ્યું હતું અને શરૂઆતના કારોબારમાં પણ સારી ગતિ જોવા મળી રહી છે. બોમ્બે સ્ટોક એક્સચેન્જ ઈન્ડેક્સ સેન્સેક્સ શરૂઆતના વેપારમાં 0.53 ટકા અથવા 425 પોઇન્ટના વધારા સાથે 79,911 પર ટ્રેડ થતો જોવા મળ્યો હતો. શરૂઆતના ટ્રેડિંગમાં સેન્સેક્સ પેકના 30 શેરોમાંથી 23 શેર લીલા નિશાન પર ટ્રેડ થતા જોવા મળ્યા હતા અને 7 શેર લાલ નિશાન પર ટ્રેડ થતા જોવા મળ્યા હતા. આ સમયે, નેશનલ સ્ટોક એક્સચેન્જ ઇન્ડેક્સ નિફ્ટી 0.47 ટકા અથવા 113 પોઇન્ટના વધારા સાથે 24,326 પોઇન્ટ પર ટ્રેડ થતો જોવા મળ્યો હતો. નિફ્ટી પેકના 50 શેરોમાંથી 38 શેર લીલા નિશાન પર હતા, 11 શેર લાલ નિશાન પર હતા અને 1 શેર કોઈ ફેરફાર વગરનો હતો.
આ શેર્સમાં વધારો જોવા મળ્યો હતો
નિફ્ટી પેક શેર્સમાં સૌથી વધુ વધારો ટ્રેન્ટમાં 2.84 ટકા, ડૉ. રેડ્ડીમાં 2.64 ટકા, BELમાં 2.10 ટકા, એચસીએલ ટેકમાં 1.94 ટકા અને સન ફાર્મામાં 1.46 ટકાનો વધારો નોંધાયો હતો. આ સિવાય સૌથી મોટો ઘટાડો ટાઇટનમાં 3.09 ટકા, ટાટા સ્ટીલમાં 1.14 ટકા, SBI લાઇફમાં 0.75 ટકા, કોટક બેન્કમાં 0.40 ટકા અને હિન્દાલ્કોમાં 0.39 ટકાનો ઘટાડો જોવા મળ્યો હતો.
સ્થાનિક ઈન્ડેક્સની સ્થિતિ
ભારતીય શેરબજારના શરૂઆથના ગાળાના કારોબારમાં મોટાભાગના સ્થાનિક ઈન્ડેક્સ લીલા નિશાનમાં જોવા મળ્યા હતા. સૌથી વધુ વધારો નિફ્ટી આઈટીમાં 2.44 ટકા અને રિયલ્ટીમાં 1.49 ટકા જોવા મળ્યો હતો. આ સિવાય નિફ્ટી ઓઈલ એન્ડ ગેસ 1.24 ટકા, નિફ્ટી ઓટો 1 ટકા, નિફ્ટી બેન્ક 0.33 ટકા, નિફ્ટી ફાઇનાન્સિયલ સર્વિસિસ 0.33 ટકા, નિફ્ટી એફએમસીજી 0.22 ટકા, નિફ્ટી મીડિયા 0.47 ટકા, નિફ્ટી ફાર્મા 0.92 ટકા, નિફ્ટી પીએસયુ બેન્કમાં 0.96 ટકા, નિફ્ટી પ્રાઇવેટ બેન્કમાં 0.29 ટકા, નિફ્ટી હેલ્થકેરમાં 0.82 ટકા, નિફ્ટી કન્ઝ્યુમર ડ્યુરેબલ્સમાં 0.72 ટકા અને નિફ્ટી કેર હેલ્થકેરમાં 0.47 ટકાનો વધારો જોવા મળ્યો હતો. . માત્ર નિફ્ટી મેટલમાં 0.33 ટકાનો ઘટાડો જોવા મળ્યો હતો.
