- બુધવારથી થઈ શકે છે શરૂઆત
- 12000 કર્મચારીઓની નોકરી જોખમમાં
- કંપનીના શેરમાં આ વર્ષે થયો 73 ટકાનો ઘટાડો
ટ્વિટર બાદ દિગ્ગજ સોશિયલ મીડિયા કંપની ફેસબુક પણ મોટા પાયે છટણીની તૈયારી કરી રહી છે. મીડિયા રિપોર્ટ અનુસાર ફેસબુકની પેરન્ટ કંપની મેટા પ્લેટફોર્મ ઈંક હજારો કર્મચારીઓની છુટ્ટી કરી શકે છે. આ શરૂઆત બુધવારથી થશે. કંપની દુનિયાભરમાં 12000 કર્મચારીઓને બહાર કરી શકે છે. મેટામાં હજુ પણ લગભગ 87000 કર્મચારી કામ કરી રહ્યા છે. આ પહેલા ટ્વિટરે શુક્રવારે દુનિયાભરમાં 3700 કર્મચારીઓને બહાર કાઢવાનું કામ કર્યું છે. કંપનીના આ કર્મચારીઓની સંખ્યા અડધી રહી છે. દુનિયાના સૌથી મોટા ધનિક એલન મસ્કે ઓક્ટોબરના અંતમાં ટ્વિટર ખરીદવા માટેની ડીલ કરી હતી. આ પછી કંપનીએ અડધા કર્મચારીઓને કાઢી દીધા હતા.
મસ્ક બાદ ઝકરબર્ગ છટણીની તૈયારીમાં
મસ્ક બાદ મેટા પ્લેટફોર્મના સીઈઓ Mark Zuckerberg પણ મોટા પાયે છટણીની તૈયારી કરી રહ્યા છે. આ વર્ષે કંપનના શેરમાં લગભગ 73 ટકાનો ઘટાડો થયો છે. ફેસબુક મેટા પ્લેટફોર્મને ટિકટોક અને યૂટ્યૂબ જેવા પ્લેટફોર્મથી મોટી ટક્કર મેળવી રહ્યું છે. લગભગ 18 વર્ષ જૂની આ કંપનીના યૂઝર્સ યૂટ્યૂબ અને ટિકટોકમાં શિફ્ટ થઈ રહ્યા છે. આ કારણ છે કે કંપનીની રેવન્યૂ વધુ ખરાબ રીતે અસરગ્રસ્ત થઈ રહી છે. આ વર્ષે કંપનીના શેરમાં પણ મોટો ઘટાડો આવ્યો છે. કંપનીએ પહેલા અનેક નવી રિક્રૂરમેન્ટ પર રોક લગાવી છે અને હવે તે છટણીની તૈયારી પણ કરી રહ્યું છે.
જાણો ઝકરબર્ગની નેટવર્થ
ઝકરબર્ગની પાસે મેટા પ્લેટફોર્મના લગભગ 16.8 ટકા શેર છે. ફેસબુકની રેવન્યૂમાં 97 ટકાથી વધુ ભાગ જાહેરાતોથી આવે છે. કંપનીના શેરમાં ઘટાડાથી ઝકરબર્ગની નેટવર્થમાં ઘટાડો આવ્યો છે. તે દુનિયાના ધનિક વ્યક્તિઓના લિસ્ટમાં ત્રીજા નંબરે છે પણ તે 29મા નંબરે પહોંચી ચૂક્યા છે. આ વર્ષે તેમની નેટવર્થમાં 90.3 અબજ ડોલરનો ઘટાડો આવ્યો છે અને તે 35.2 અબજ ડોલર થયો છે. શેરમાં ઘટાડાથી ફેસબુકનો માર્કેટ કેપ ઘટ્યો છે. આ વર્ષે કંપનીની માર્કેટ વેલ્યૂમાં 500 અબજ ડોલરનો ઘટાડો આવ્યો છે.
