લગ્નની સિઝન પહેલા સોનાના ભાવ વધ્યા તો ચાંદીના ઘટ્યા....જાણો નવી કિંમત

• સોનામાં તેજી અને ચાંદીમાં ઘટાડો 
  
• સોનું રૂ. 60,148 પ્રતિ 10 ગ્રામ પર ખુલ્યું 
• ચાંદી રૂ.72,174 પ્રતિ કિલોના સ્તરે ખુલી

તહેવારોની સિઝન બાદ હવે ભારતમાં લગ્નની સિઝન શરૂ થવા જઈ રહી છે. આ સમય દરમિયાન લોકો સોના-ચાંદીની મોટાપાયે ખરીદી કરે છે. જો તમે પણ આજે સોના-ચાંદીની ખરીદી કરવાનું વિચારી રહ્યા છો તો જાણી લો કે સોનામાં તેજી અને ચાંદીમાં ઘટાડો થઈ રહ્યો છે. ગુરુવારે મલ્ટી કોમોડિટી એક્સચેન્જ એટલે કે વાયદા બજારમાં સોનું રૂ. 60,148 પ્રતિ 10 ગ્રામ પર ખુલ્યું હતું. સવારે 11.30 વાગ્યા સુધીમાં સોનું રૂ. 64 અથવા 0.11 ટકાના વધારા સાથે રૂ. 60, 175 પર ટ્રેડ કરી રહ્યું છે. ગઇકાલે સોનું રૂ. 60,111 પ્રતિ 10 ગ્રામ પર બંધ થયું હતું.

ચાંદી સસ્તી થઈ

સોના સિવાય ચાંદીની વાત કરીએ તો આજે તેમાં પણ વધઘટ જોવા મળી રહી છે. વાયદા બજારમાં ચાંદી રૂ.72,174 પ્રતિ કિલોના સ્તરે ખુલી હતી. ત્યાર બાદ તેની કિંમતમાં થોડો વધારો નોંધવામાં આવ્યો છે અને સવારે 11.30 વાગ્યા સુધી તે ગઈકાલની તુલનામાં 37 રૂપિયા એટલે કે 0.05 ટકા સસ્તો છે અને 72,335 રૂપિયા પ્રતિ કિલોના સ્તરે છે. જ્યારે બુધવારે તે રૂ.70,372ના સ્તરે બંધ રહ્યો હતો.

મુખ્ય શહેરોના સોના અને ચાંદીના ભાવ

આંતરરાષ્ટ્રીય બજારમાં ચાંદી સસ્તી 

સ્થાનિક બજાર ઉપરાંત આંતરરાષ્ટ્રીય બજારમાં પણ સોનાના ભાવમાં વધારો જોવા મળી રહ્યો છે. મેટલ રિપોર્ટ અનુસાર આજે સોનાની કિંમતમાં 0.1 ટકાનો વધારો જોવા મળી રહ્યો છે અને તે ઔંસ દીઠ $1,960 પર ટ્રેડ થઈ રહ્યો છે. તે જ સમયે, ચાંદીમાં આજે ઘટાડો જોવા મળી રહ્યો છે અને તે ગઈકાલની તુલનામાં 0.4 ટકા સસ્તો છે અને 23.36 ડોલર પ્રતિ ઔંસના સ્તરે છે.