વિશ્વની સૌથી મોટી ઇલેક્ટ્રોનિક્સ કંપનીએ દેવનહલી પ્લાંટમાં $2.56 બિલિયનનું રોકાણ કરી રહી છે. ફોક્સકોન ફેઝ-1 લગભગ રૂ. 3,000 કરોડનું રોકાણ કરે છે. કંપની આ માટે એક હોસ્ટેલ બનાવી રહી છે. જે લગભગ 30,000 કર્મચારીઓને સમાવી શકે છે. ડૉનાલ્ડ ટ્રમ્પના લાખ પ્રયત્ન બાદ પણ એપલે ભારતમાં જ તેનું રોકાણ કરવા માટે નિર્ણય કર્યો અને આ કામકાજ હવે યોગ્ય દિશામાં આગળ વધી રહ્યુ છે.

એપલે ભારતમાં 30,000 કર્મચારીઓ માટે હોસ્ટેલ બનાવી

અમેરિકાના રાષ્ટ્રપતિ ડોનાલ્ડ ટ્રમ્પે ચોંકાવનારું નિવેદન આપ્યું છે. તેમણે કહ્યું કે તેઓ નથી ઇચ્છતા કે એપલ ભારતમાં તેનું ઉત્પાદન વધુ વિસ્તૃત કરે. તેના બદલે, તેમણે અમેરિકા પર ધ્યાન કેન્દ્રિત કરવું જોઈએ. આ અંગે એપલના સીઈઓ ટિમ કૂકે કહ્યું કે અમેરિકામાં વેચાતા મોટાભાગના આઈફોન ચીનને બદલે ભારતમાં બનાવવામાં આવશે અને કંપની આ યોજના સાથે આગળ વધી રહી હોય તેવું લાગે છે.

કંપનીએ $2.56 બિલિયનનું રોકાણ કર્યું

વિશ્વની સૌથી મોટી ઇલેક્ટ્રોનિક્સ ઉત્પાદક કંપની તેના દેવનાહલ્લી પ્લાન્ટમાં $2.56 બિલિયનનું રોકાણ કરી રહી છે. તે બેંગલુરુના કેમ્પેગૌડા ઈન્ટરનેશનલ એરપોર્ટથી 34 કિમી દૂર દેવનાહલ્લીના ડોડ્ડાગોલ્લાહલ્લી અને ચપ્પરદહલ્લી ગામોમાં ફેલાયેલું છે. ફોક્સકોને ફેઝ 1માં લગભગ રૂ. 3,000 કરોડનું રોકાણ કર્યું હતું, જ્યારે ફેઝ 2માં પણ રોકાણ લગભગ સમાન રકમનું છે. આ વર્ષે ડિસેમ્બર સુધીમાં 100,000 આઇફોન ઉત્પાદનનું લક્ષ્ય રાખવાની શક્યતા છે. આમાં મહિલાઓને વધુ પ્રાથમિકતા મળશે. કંપની આ માટે એક હોસ્ટેલ બનાવી રહી છે. તે લગભગ 30,000 કર્મચારીઓને સમાવી શકે છે.

કર્મચારીઓમાંથી 50-80% મહિલાઓ

ફોક્સકોનના કર્મચારીઓએ જણાવ્યું હતું કે દેવનાહલ્લીના 30,000 કર્મચારીઓમાંથી 50-80% મહિલાઓ હોવાથી મહિલાઓને આવાસ માટે પ્રાથમિકતા આપવામાં આવશે. પ્રોજેક્ટ એલિફન્ટ ફોક્સકોનની ચાઇના+1 વ્યૂહરચનાનો એક ભાગ છે. જેનો ઉદ્દેશ્ય તે દેશની બહાર ઉત્પાદનમાં વૈવિધ્યીકરણ કરવાનો છે. આ સાથે, કર્મચારીઓએ જણાવ્યું કે કેટલાક આઇફોન વેરિઅન્ટનું એસેમ્બલી મે મહિનામાં શરૂ થયું હતું. જ્યારે અન્ય ઓગસ્ટમાં શરૂ થશે. સપ્ટેમ્બરમાં iPhone 17 લોન્ચ થવાના છે તે પહેલાં કામ પૂરજોશમાં ચાલી રહ્યું છે. કંપની તેની ડોર્મ સુવિધા યોગ્ય રીતે ચાલુ રહે તે માટે કોઈ કસર છોડવા માગતી નથી.