આજના સમયમાં વધતા જતા ઇંધણના ભાવ વચ્ચે દરેક કાર માલિકની એક જ ઈચ્છા હોય છે કે તેમની કાર વધુમાં વધુ માઇલેજ આપે. સામાન્ય રીતે લોકો એવું માને છે કે માઇલેજ માત્ર કારની કંપની કે એન્જિન પર આધાર રાખે છે, પરંતુ હકીકતમાં તમારી ડ્રાઇવિંગ કરવાની રીત અને ગાડીની જાળવણી 70% જેટલો ભાગ ભજવે છે. જો તમે થોડી સાવધાની રાખો, તો તમે દર મહિને હજારો રૂપિયાનું ઇંધણ બચાવી શકો છો.
1. ડ્રાઇવિંગ શૈલીમાં સુધારો (સ્પીડ અને એક્સિલરેશન)
તમારી કાર કેટલું ઇંધણ પીશે તેનો આધાર તમારા જમણા પગ પર છે. અચાનક એક્સિલરેટર આપવું અને વારંવાર જોરથી બ્રેક મારવી એ ઇંધણનો સૌથી મોટો દુશ્મન છે.
મોટાભાગની કાર માટે 40 થી 60 કિમી/કલાકની ઝડપ ઇકોનોમી મોડ ગણાય છે.
ટ્રાફિકને અગાઉથી જોઈને ધીમેથી બ્રેક મારો અને ગતિ વધારતી વખતે પણ ક્લચ અને એક્સિલરેટરનો ઉપયોગ સોફ્ટ હાથે કરો.
2. ટાયર પ્રેશર અને વ્હીલ એલાઇનમેન્ટ
ટાયરમાં હવાનું ઓછું દબાણ રોડ સાથે ઘર્ષણ વધારે છે, જેના કારણે એન્જિનને ગાડી ખેંચવા માટે વધુ શક્તિ વાપરવી પડે છે.
દર અઠવાડિયે ટાયર પ્રેશર ચેક કરાવો.
જો વ્હીલ એલાઇનમેન્ટ બગડેલું હશે તો ગાડી એક તરફ ખેંચાશે અને માઇલેજમાં મોટો ઘટાડો થશે.
3. બિનજરૂરી વજન ઘટાડો
તમારી કારની ડિક્કીમાં પડેલો વધારાનો સામાન માત્ર જગ્યા જ નથી રોકતો, પણ માઇલેજ પણ ઘટાડે છે. ગાડી જેટલી ભારે હશે, એન્જિન પર એટલું જ વધુ લોડ આવશે. તેથી, ગાડીમાં માત્ર જરૂરી ચીજવસ્તુઓ જ રાખો.
4. સમયસર સર્વિસિંગ અને ફિલ્ટર્સની સફાઈ
ગંદા એર ફિલ્ટર કે જૂના સ્પાર્ક પ્લગ એન્જિનની ક્ષમતા ઘટાડે છે.
સમયસર ગુણવત્તાયુક્ત એન્જિન ઓઇલ બદલવાથી એન્જિન સ્મૂધ ચાલે છે.
જો એન્જિનને પૂરતી હવા નહીં મળે, તો તે વધુ ઇંધણ બાળશે. નિયમિત સર્વિસિંગથી ગાડીના તમામ ભાગો કાર્યક્ષમ રહે છે.
5. એસી (AC) નો સ્માર્ટ ઉપયોગ અને ટ્રાફિક
જ્યારે તમે ટ્રાફિકમાં હોવ અને સિગ્નલ ૪૦ સેકન્ડથી વધુ હોય, ત્યારે એન્જિન બંધ કરી દેવું હિતાવહ છે. વળી, હાઇવે પર બારીઓ ખુલ્લી રાખીને ઝડપથી ગાડી ચલાવવાથી એરોડાયનેમિક્સ બગડે છે અને માઇલેજ ઘટે છે, તેવા સમયે એસી ચલાવવું વધુ ફાયદાકારક છે.
આ પણ વાંચોઃ Auto News: રૂ.10 લાખની અંદર મળતી 5 સૌથી સુરક્ષિત કાર, જે અકસ્માતમાં મુસાફરો માટે બને છે સુરક્ષા કવચ
