Auto News : સ્કોર્પિયો અને ક્રેટાને કરતા આગળ નીકળી 8 લાખ રૂપિયાની આ SUV

ભારતીય પેસેન્જર વાહન બજારે 2026 ની શરૂઆત જોરદાર રીતે કરી છે.જાન્યુઆરી 2026 માં વેચાયેલી ટોચની 10 સૌથી વધુ વેચાતી કારમાં કુલ 157,416 યુનિટ હતા, જે જાન્યુઆરી 2025 માં વેચાયેલા 122,513 યુનિટની તુલનામાં વાર્ષિક ધોરણે 28.49% નો વધારો થયો છે.કોમ્પેક્ટ SUV અને સબ-4 મીટર SUV ખરીદદારોની પસંદગી રહી,જે ટોચના રેન્કિંગમાં સૌથી મોટો હિસ્સો ધરાવે છે.

ટાટા નેક્સોન સૌથી વધુ વેચાતી કાર

જાન્યુઆરી 2026માં ટાટા નેક્સોન સૌથી વધુ વેચાતી કાર હતી.તેના EV વેરિઅન્ટ સહિત કુલ 23,365 યુનિટનું વેચાણ થયું.આ વાર્ષિક ધોરણે 51.75%નો નોંધપાત્ર વધારો દર્શાવે છે.જે પેટ્રોલ,ડીઝલ અને ઇલેક્ટ્રિક વેરિઅન્ટ બંનેમાં તેની સતત લોકપ્રિયતા જોવા મળી છે.ત્યારબાદ ટાટા પંચનું નામ આવ્યું, જેણે જાન્યુઆરીમાં તેનું અત્યાર સુધીનું શ્રેષ્ઠ વેચાણ નોંધાવ્યું, જેમાં 19,257 યુનિટનું વેચાણ થયું, જે વાર્ષિક ધોરણે 18.64 ટકાનો વધારો થયો છે.આ કોમ્પેક્ટ SUV સેગમેન્ટમાં તેની મજબૂત પકડ બનાવી છે.

ક્રેટા ત્રીજા નંબરે

હ્યુન્ડાઇ ક્રેટા 17,921 યુનિટના વેચાણ સાથે ત્રીજા સ્થાને રહી,જોકે તેના વેચાણમાં વાર્ષિક ધોરણે 3.24 ટકાનો ઘટાડો થયો છે.આ મધ્યમ કદના એસયુવી સેગમેન્ટમાં વધેલી સ્પર્ધા જોવા મળી હતી.ત્યારબાદ મારુતિ બ્રેઝા હતી, જેણે 17,486 યુનિટ વેચાયા છે.શહેરો અને નાના નગરોમાંથી સતત માંગને કારણે આ વર્ષે 18.57 ટકા વૃદ્ધિ દર્શાવે છે.

મહિન્દ્રા સ્કોર્પિયોની માંગ ઘટી 

મહિન્દ્રા સ્કોર્પિયો અને સ્કોર્પિયો-એનનું વેચાણ કુલ 15,542 યુનિટ થયું,જે વાર્ષિક ધોરણે 0.65ટકાનો નજીવો વધારો જોવા મળ્યો હતો.ટોચના 10માં એક નવો ઉમેરો મારુતિ વિક્ટોરિસ હતો.જેણે જાન્યુઆરીના પહેલા સંપૂર્ણ મહિનામાં 15,240 યુનિટ વેચ્યા હતા, જે સ્પષ્ટપણે મજબૂત ગ્રાહક રસ દર્શાવે છે.

ફ્રોન્ક્સના વેચાણમાં પણ ઘટાડો

મારુતિ સુઝુકી કારમાં ફ્રોન્ક્સ સાતમા સ્થાને સરકી ગયો.તેણે 13,353 યુનિટ વેચાયા છે જેમાં વર્ષે 12.11ટકાનો ઘટાડો નોંધાયો છે.દરમિયાન હ્યુન્ડાઇ વેન્યુએ 12,413 યુનિટનું વેચાણ કર્યું.જે વાર્ષિક ધોરણે 11.77 ટકા વૃદ્ધિ દર્શાવે છે.મહિન્દ્રા બોલેરોએ ગ્રામીણ અને ફ્લીટ સેગમેન્ટમાં તેની મજબૂત પકડ જાળવી રાખી 11,841 યુનિટનું વેચાણ કર્યું,જે વાર્ષિક ધોરણે 36.39ટકા વૃદ્ધિ દર્શાવે છે.કિયા સોનેટ ટોચના 10 યાદીમાં છેલ્લા સ્થાને છે.જેમાં 10,998 યુનિટનું વેચાણ થયું જેમાં વાર્ષિક ધોરણે 52.88 ટકા વૃદ્ધિ જોવા મળે છે.

આ પણ  વાંચો - Auto News : ફૂલ ટાંકી પર ચાલે છે 1700 KM, ચીનની આ હાઈબ્રીડ SUV માર્કેટમાં આવતા જ મચી ધૂમ