GST ઘટાડા બાદ, કાર ખરીદવી પહેલા કરતાં વધુ સરળ બની ગઈ છે. એક્સ-શોરૂમ કિંમતોમાં ઘટાડો થવાથી આર્મી કેન્ટીનમાં ઉપલબ્ધ કાર પર પણ અસર પડી છે . તમારી માહિતી માટે, સૈનિકો પાસેથી કેન્ટીન સ્ટોર્સ ડિપાર્ટમેન્ટ ( CSD) ખાતે 28% ને બદલે 14% GST વસૂલવામાં આવે છે .
1.89 લાખ સુધીની બચત
એક્સ-શોરૂમ કિંમતોમાં ઘટાડાને કારણે અહીં ઉપલબ્ધ કારની કિંમતોમાં પણ ઘટાડો થયો છે. મારુતિ સ્વિફ્ટની શરૂઆતની કિંમત CSD પર માત્ર ₹5.07 લાખથી થાય છે, જ્યારે એક્સ-શોરૂમ કિંમત ₹6.49 લાખ છે. વેરિઅન્ટના આધારે, સ્વિફ્ટ ટેક્સમાં ₹1.89 લાખ સુધીની બચત કરે છે.
અમદાવાદથી મુંબઈ સુધી 34 CSD ડિપો
ભારતમાં અમદાવાદ, બાગડોગરા, દિલ્હી, જયપુર, કોલકાતા અને મુંબઈ જેવા શહેરોમાં કુલ 34 CSD ડિપો આવેલાં છે. આ ડિપો ભારતીય સશસ્ત્ર દળો દ્વારા સંચાલિત થાય છે. CSD પરથી કાર ખરીદવા માટે લાયક ગ્રાહકોમાં સેવામાં રહેલા અને નિવૃત્ત સશસ્ત્ર દળોના કર્મચારીઓ, સૈનિકોની પત્નીઓ (વિધવા) તથા ડિફેન્સ સિવિલિયનનો સમાવેશ થાય છે.
મારુતિ સ્વિફ્ટની માઇલેજ
સ્વિફ્ટનું માઈલેજ 32.85 km/kg છે, જે તેને તેના સેગમેન્ટમાં સૌથી વધુ માઈલેજ આપતી પ્રીમિયમ હેચબેક બનાવે છે. નવી સ્વિફ્ટનો ડિઝાઇન બોલ્ડ અને સ્પોર્ટી લુક સાથે આવે છે. સ્વિફ્ટ CNG બજારમાં ત્રણ વેરિઅન્ટ્સ સાથે ઉપલબ્ધ છે. મારુતિ સ્વિફ્ટના નવા મોડલમાં Z-સિરીઝ ડ્યુઅલ VVT એન્જિન આપવામાં આવ્યું છે, જે ઓછું CO₂ ઉત્સર્જન કરીને 101.8 Nm ટોર્ક જનરેટ કરે છે, જેના કારણે શહેરમાં ડ્રાઇવિંગ વધુ સુગમ બને છે. આ નવી સ્વિફ્ટ S-CNG ને ત્રણ વેરિઅન્ટ્સમાં લોન્ચ કરવામાં આવી છે – V, V(O) અને Z. આ તમામ વેરિઅન્ટ્સમાં 5-સ્પીડ મેન્યુઅલ ગિયરબોક્સ આપવામાં આવ્યો છે.
મારુતિ સ્વિફ્ટના આ ફીચર્સ છે શાનદાર!
મારુતિની નવી સ્વિફ્ટ S-CNG 6 એરબેગ્સ, ઇલેક્ટ્રોનિક સ્ટેબિલિટી પ્રોગ્રામ અને હિલ હોલ્ડ આસિસ્ટ જેવી સુવિધાઓ સાથે આવે છે . તેમાં ઓટોમેટિક ક્લાઇમેટ કંટ્રોલ, રીઅર એસી વેન્ટ્સ, વાયરલેસ ચાર્જર , સ્પ્લિટ રીઅર સીટ્સ , 7-ઇંચ સ્માર્ટ ઇન્ફોટેનમેન્ટ સિસ્ટમ અને સુઝુકી કનેક્ટ જેવા નવા ફીચર્સનો સમાવેશ થાય છે. આ કાર હ્યુન્ડાઇ ગ્રાન્ડ i10 નિઓસ, ટાટા ટિયાગો, મારુતિ બલેનો, ટોયોટા ગ્લાન્ઝા અને ટાટા પંચ જેવી પ્રીમિયમ અને કોમ્પેક્ટ હેચબેક સાથે સ્પર્ધા કરે છે.
આ પણ વાંચો- Bollywood Blockbuster : 2 કલાક 41 મિનિટની આ ફિલ્મ, જેણે 2025માં કરી બમ્પર કમાણી, વિલેનના થયા વખાણ!
