Bank Holidays: સતત 5 દિવસ બેંક રહેશે બંધ,બ્રાન્ચ જતા પહેલા જાણીલો યાદી

દેશમાં તહેવારોની સિઝન શરૂ થઈ ગઈ છે. શુક્રવારથી કેટલીક બેંકો સતત 5 દિવસ બંધ રહેશે. આ બેંકોમાં 14 સપ્ટેમ્બરથી 18 સપ્ટેમ્બર સુધી રજા રહેશે. જો કે, દેશભરની બેંકો સતત 5 દિવસ સુધી બંધ રહેશે નહીં. તહેવારોને કારણે જુદા જુદા રાજ્યોમાં અલગ-અલગ દિવસે બેંક રજાઓ હોય છે. પણ રજાઓનું લિસ્ટ જોઈને જ બ્રાન્ચમાં જવાનું શાણપણ છે.

સપ્ટેમ્બરમાં તમામ સરકારી અને ખાનગી બેંકો ઓછામાં ઓછા 15 દિવસ બંધ રહેશે

સપ્ટેમ્બરમાં તમામ સરકારી અને ખાનગી બેંકો ઓછામાં ઓછા 15 દિવસ બંધ રહેશે. તેમાં બીજા અને ચોથા શનિવાર અને રવિવારનો સમાવેશ થાય છે. જોકે હવે બેંકમાં જવાની બહુ જરૂર નથી. ઓનલાઈન વેબસાઈટ અને મોબાઈલ બેંકિંગ સર્વિસ એપ્સ દ્વારા તમે મોટા ભાગનું કામ ઘરે બેસીને કરી શકો છો.

હરિયાણામાં 23મી સપ્ટેમ્બરે વીર શહીદ દિવસને કારણે બેંકમાં રજા રહેશે

14 સપ્ટેમ્બરે બીજો શનિવાર હોવાના કારણે દેશભરમાં બેંકોમાં રજા રહેશે જ્યારે 15 સપ્ટેમ્બરે રવિવાર છે. ઈદ-એ-મિલાદના કારણે 16 સપ્ટેમ્બરે દેશભરમાં બેંકો બંધ રહેશે. સિક્કિમમાં 17 સપ્ટેમ્બરે ઈન્દ્ર જાત્રા તહેવારને કારણે બેંકો બંધ રહેશે. કેરળમાં 18 સપ્ટેમ્બરે શ્રી નારાયણ ગુરુ જયંતિના કારણે બેંકોમાં રજા રહેશે. કેટલાક રાજ્યોમાં 21 સપ્ટેમ્બરથી 23 સપ્ટેમ્બર સુધી બેંક રજાઓ રહેશે. શ્રી નારાયણ ગુરુ જયંતિને કારણે કેરળમાં 21મી સપ્ટેમ્બરે બેંક રજા રહેશે. 22મી સપ્ટેમ્બરે રવિવાર છે જ્યારે હરિયાણામાં 23મી સપ્ટેમ્બરે વીર શહીદ દિવસને કારણે બેંકમાં રજા રહેશે.

આ રહી રજાઓની યાદી

14 સપ્ટેમ્બર - બીજો શનિવાર/ઓણમ - સમગ્ર ભારતમાં

15 સપ્ટેમ્બર - રવિવાર - સમગ્ર ભારતમાં

16 સપ્ટેમ્બર - ઈદ-એ-મિલાદ (સોમવાર) - સમગ્ર ભારતમાં

17 સપ્ટેમ્બર – ઈન્દ્ર જાત્રા (મંગળવાર) – સિક્કિમ

18 સપ્ટેમ્બર – શ્રી નારાયણ ગુરુ જયંતિ (બુધવાર) – કેરળ

બેંકો દર મહિનાના બીજા અને ચોથા શનિવારે અને તમામ રવિવારે બંધ રહે છે

આરબીઆઈની માર્ગદર્શિકા મુજબ, બેંકો દર મહિનાના બીજા અને ચોથા શનિવારે અને તમામ રવિવારે બંધ રહે છે. 14 સપ્ટેમ્બરના બીજા શનિવારે બેંકો અને ઘણી ઓફિસોમાં તેમજ કેટલીક ખાનગી શાળાઓમાં પણ દર મહિનાના બીજા શનિવારે રજા હોય છે. આ પછી, 15 સપ્ટેમ્બર, રવિવારના રોજ તમામ શાળાઓ, બેંકો, કોલેજો અને કચેરીઓ બંધ રહેશે, ઇદ-એ-મિલાદ મુસ્લિમ સમુદાય માટે એક ખાસ તહેવાર છે, જે પયગંબર મોહમ્મદના જન્મદિવસની ઉજવણી તરીકે ઉજવવામાં આવે છે. તો ચંદ્રદર્શન મુજબ 16મી સપ્ટેમ્બરે બારવફત નિમિત્તે શિક્ષણ વિભાગ તરફથી રજા છે. આવી સ્થિતિમાં શાળાઓ અને બેંકો બંધ રહેશે.