એપ્રિલમાં 14 દિવસ બેંક બંધ રહેશે, RBIની રજાઓનું આ લિસ્ટ જોઈ લેજો

• આગામી એપ્રિલ મહિનામાં બેંકમાં ઢગલાબંધ રજાઓ આવે છે
  
• વિવિધ રાજ્યોમાં કુલ 14 દિવસ બેંકો બંધ રહેશે
• રામનવમી, ગુડી પડવા, ઈદ જેવા તહેવારો આવતા હોવાથી બેંકમાં રજા જાહેર કરાઈ

બેંક વિશેષ નાણાકીય સંસ્થાઓમાંની એક છે. આવી સ્થિતિમાં જો લાંબા સમય સુધી બેંકોમાં રજા હોય તો ઘણી વખત લોકોના મહત્વપૂર્ણ કામ અટવાઈ જતા હોય છે. માર્ચ મહિનો પૂરો થવાનો છે અને હવે એપ્રિલ શરૂ થશે. નવા નાણાકીય વર્ષના પ્રથમ મહિનામાં 30માંથી 14 દિવસ બેંકોમાં રજા રહેશે. રિઝર્વ બેંકે કર્યું છે.

વિવિધ રાજ્યોમાં કુલ 14 દિવસ બેંકો બંધ રહેશે

રિઝર્વ બેંક ઓફ ઈન્ડિયા દ્વારા જાહેર કરાયેલ રજાઓની યાદી અનુસાર એપ્રિલ 2024માં બેંકો કુલ 14 દિવસ બંધ રહેશે. નોંધનીય બાબત એ છે કે રજાઓની સૂચિ વિવિધ રાજ્યોમાં આવતા તહેવારો અને વર્ષગાંઠો અનુસાર તૈયાર કરવામાં આવે છે. જો તમારે આવતા મહિને બેંક સંબંધિત કોઈ મહત્વપૂર્ણ કામ પૂર્ણ કરવાનું હોય, તો બેંકની રજાઓની યાદી અહીં ચોક્કસથી તપાસો.

એપ્રિલ 2024 માં આ દિવસોમાં બેંક રજાઓ રહેશે-

1 એપ્રિલ 2024- વાર્ષિક બંધને કારણે દેશભરની બેંકોમાં રજા રહેશે.

5 એપ્રિલ 2024- તેલંગાણા, જમ્મુ અને શ્રીનગરમાં બાબુ જગજીવન રામના જન્મદિવસ અને જુમાત જુમાતુલ વિદાના કારણે બેંકોમાં રજા રહેશે.

7 એપ્રિલ 2024- રવિવારના કારણે બેંકોમાં રજા રહેશે.

9 એપ્રિલ 2024- ગુડી પડવા/ઉગાદી તહેવાર/તેલુગુ નવું વર્ષ અને પ્રથમ નવરાત્રિના કારણે, બેલાપુર, બેંગલુરુ, ચેન્નાઈ, હૈદરાબાદ, ઈમ્ફાલ, જમ્મુ, મુંબઈ, નાગપુર, પણજી અને શ્રીનગરમાં બેંકોમાં રજા રહેશે.

10 એપ્રિલ 2024- ઇદના કારણે કેરળના કોચીમાં બેંકોમાં રજા રહેશે.

11 એપ્રિલ 2024- ઈદના કારણે ચંદીગઢ, ગંગટોક, કોચી સિવાય સમગ્ર દેશમાં બેંકો બંધ રહેશે.

13 એપ્રિલ 2024- બીજા શનિવારના કારણે આખા વર્ષ દરમિયાન બેંકોમાં રજા રહેશે.

14 એપ્રિલ 2024- રવિવારના કારણે બેંકોમાં રજા રહેશે.

15 એપ્રિલ 2024- ગુવાહાટી અને શિમલામાં બોહાગ બિહુ અને હિમાચલ દિવસને કારણે બેંકો બંધ રહેશે.

17 એપ્રિલ 2024- રામ નવમીના કારણે અમદાવાદ, બેલાપુર, ભોપાલ, ભુવનેશ્વર, ચંદીગઢ, દેહરાદૂન, ગંગટોક, હૈદરાબાદ, જયપુર, કાનપુર, લખનૌ, પટના, રાંચી, શિમલા, મુંબઈ અને નાગપુરમાં બેંકો બંધ રહેશે.

20 એપ્રિલ 2024- અગરતલામાં ગરિયા પૂજાના કારણે બેંકોમાં રજા રહેશે.

21 એપ્રિલ 2024- રવિવારના કારણે તમામ બેંકો બંધ રહેશે.

27 એપ્રિલ 2024- ચોથા શનિવારના કારણે બેંકોમાં રજા રહેશે.

28 એપ્રિલ 2024- રવિવારના કારણે બેંકોમાં રજા રહેશે.

બેંકોમાં રજાઓ હોવાથી આ રીતે કામ પતાવજો

બેંકોમાં લાંબા ગાળાની રજાઓ હોવાની સ્થિતિમાં ગ્રાહકોને સમસ્યાનો સામનો કરવો પડી શકે છે. જેથી હવે ટેક્નોલોજીએ ઘણી ચીજોને સરળ બનાવી દીધી છે. તમે ઘરે બેઠા એક ખાતામાંથી બીજા ખાતામાં પૈસાને નેટ બેંકિંગ મારફતે ટ્રાંસફર કરી શકો છો. યુપીઆઈથી પૈસા ટ્રાંસફર કરી શકો છો. જ્યારે રોકડ ઉપાડવા માટે તમે એટીએમનો ઉપયોગ કરી શકો છો.