- સંરક્ષણ ક્ષેત્ર બજેટથી નિરાશ થતાં ઈન્વેસ્ટર્સ દ્વારા પ્રોફિટ બુકિંગ
- હાલ સંરક્ષણ ક્ષેત્રના શેરોમાં લાંબા ગાળા માટે રોકાણની તક : નિષ્ણાતો
- ગાર્ડન રિચ શિપબિલ્ડર્સ એન્ડ એન્જિનિયર્સના શેરમાં 28.2 ટકાનો ઘટાડો થયો છે
ગત 23મી જૂલાઈના રોજ વર્ષ 2024-25 માટેનું બજેટ રજૂ કરવામાં આવ્યું તે દિવસથી ડિફેન્સ ક્ષેત્રના શેરોમાં સતત ઘટાડો થતો જોવા મળી રહ્યો છે.
જેમ કે, બજેટના દિવસથી અત્યાર સુધીમાં ગાર્ડન રિચ શિપબિલ્ડર્સ એન્ડ એન્જિનિયર્સના શેરમાં 28.2 ટકાનો ઘટાડો થયો છે, જ્યારે કોચિન શીપયાર્ડના સ્ટોક પ્રાઈઝમાં 24.7 ટકાની પીછેહઠ થઈ છે. આ યાદીમાં બીઈએમએલ અને મિશ્રા ધાતુ નિગમ તેમજ ડીસીએક્સ સિસ્ટમ્સ પણ આવે છે. જેમના શેર મૂલ્યમાં 23મી જૂલાઈ બાદથી અત્યાર સુધીમાં અનુક્રમે 17.2 ટકા, 18 ટકા, 11.4 ટકાનો ઘટાડો થયો છે. જેની સરખામણીએ બેન્ચમાર્ક નેશનલ સ્ટોક એક્સચેન્જ નિફ્ટી 50માં 23મી જૂલાઈ બાદથી અત્યાર સુધીમાં 2.7 ટકાનો વધારો થયો છે.
