વીતેલા સપ્તાહમાં વિદેશી સંસ્થાકીય રોકાણકારોએ પાંચ સેશનમાં કુલ રૂ.11,591 કરોડની નેટ વેચવાલી કરી હતી, જેના કારણે મે મહિનામાં એફઆઇઆઇએ કરેલી નેટ લેવાલીનો આંકડો ઘટીને રૂ.12,191 કરોડ થઇ ગયો છે. સપ્તાહ દરમિયાન મંગળવારે એફઆઇઆઇએ રૂ.10,016 કરોડની વેચવાલી કરી હતી, જે તાજેતરના મહિનાઓમાં 28મી ફેબ્રુઆરી, 2025 પછી જોવા મળેલી સૌથી મોટી એકદિવસીય વેચવાલી છે.
આ સિવાય ગુરુવારે પણ એફઆઇઆઇએ રૂ.5,045 કરોડની નેટવેચવાલી કરી હતી. એ સિવાય સોમવારે પણ એફઆઇઆઇ રૂ. 525 કરોડની નેટ વેચવાલ હતી. જ્યારે બુધવારે અને શુક્રવારે એફઆઇઆઇએ અનુક્રમે રૂ.2,201 કરોડની અને રૂ.1,794 કરોડની નેટ લેવાલી કરી હતી. આમ ત્રણ સેશનમાં એફઆઇઆઇએ કરેલી નેટ વેચવાલીનો આંકડો રૂ.15,586 કરોડ થાય છે.
