અમદાવાદ સોના-ચાંદી બજારમાં સપ્તાહના પ્રથમ દિવસે સોનામાં 500 રૂપિયા ઘટયા હતા. જ્યારે ચાંદીમાં 1,000 રૂપિયાનો ઉછાળો જોવા મળ્યો હતો. આ સાથે સોનું 96,000 રૂપિયે પ્રતિ 10 ગ્રામ અને ચાંદી 95,500 રૂપિયે કિલો થયું હતું. વૈશ્વિક બજારમાં સોનામાં 15 ડોલર ઘટયા હતા આ સાથે સોનું 3,223 ડોલર પ્રતિ ઔંસ થયું હતું. જ્યારે ચાંદીમાં 31 સેંન્ટ ઘટયા હતા. ચાંદી 32.30 ડોલર પ્રતિ ઔંસ થઇ હતી. MCX સોનામાં જુન માસનો વાયદો 704 રૂપિયા ઘટીને 93,041 રૂપિયા પ્રતિ 10 ગ્રામ થયો હતો. જ્યારે MCX ચાંદીમાં મે માસનો વાયદો 435 રૂપિયા વધીને 94,721 રૂપિયા પ્રતિ કિલો થઇ હતી.
કોમેક્સ સોનું 32.90 ડોલર ઘટીને 3,211.70 ડોલર પ્રતિ ઔંસ થયું હતું. જ્યારે કોમેક્સ ચાંદી 0.25 સેંન્ટ ઘટીને 31,885 ડોલર પ્રતિ ઔંસ થઇ હતી. અમેરિકા-ચીન વચ્ચે ચાલતી ટ્રેડ વોર અને મંદીની આશંકાઓ વચ્ચે આ વર્ષે સોનું આંતરરાષ્ટ્રીય બજારમાં નવી ઉંચાઇઓ મેળવશે તેવું જાણકારોનું માનવું છે. ભારતમાં 10 ગ્રામ સોનાનો ભાવ એક લાખ રૂપિયાથી વધારે જઇ શકે છે તેવી પણ શક્યતાઓ રહેલી છે. મંદીના સમયમાં સોનાને સુરક્ષિત રોકાણ માનવામાં આવે છે. ડોલરની તુલનામાં રૂપિયો કમજોર પડયો છે. જેના કારણે પણ સોનાની કિંમત વધી રહી છે. લગ્નગાળો નજીક આવી રહ્યો છે. આવામાં સોનાના દાગીનાની માંગ વધી છે.
