Business News: એલન મસ્કનું X પ્લેટફોર્મ થયું ડાઉન, દુનિયાભરનાં યુઝર્સ થયા પરેશાન

• એલન મસ્કનું X પ્લેટફોર્મ ડાઉન થતા યુઝર્સ પરેશાન
  
• આ માહિતી ડાઉન ડિટેક્ટર દ્વારા પણ આપવામાં આવી
• એક મહિનામાં બીજી વખત X પ્લેટફોર્મ ડાઉન

એલન મસ્કનું X પ્લેટફોર્મ ડાઉન થઈ ગયું છે અને જેના કરાણે દુનિયાભરના X યુઝર્સ સર્વિસનો ફાયદો ઉઠાવી શક્યા નથી. આ માહિતી ડાઉન ડિટેક્ટર દ્વારા પણ આપવામાં આવી છે જે ઘણીવાર સોશિયલ મીડિયા પ્લેટફોર્મ અને અન્ય વેબસાઇટ્સ ડાઉન હોવાની માહિતી આપે છે.

જ્યારે મોબાઇલ એપ અને વેબ વર્ઝન પર X પ્લેટફોર્મ પર લોગ ઇન કરવામાં આવ્યું ત્યારે અનેક લોકોને X વાપરી શક્યા નહોતા. લગભગ 50 ટકા વેબ યુઝર્સને X પ્લેટફોર્મ પર સમસ્યાઓનો સામનો કરવો પડ્યો છે. તેઓ આ પ્લેટફોર્મને એક્સેસ કરવામાં સક્ષમ નથી. જ્યારે 47 ટકા એવા યુઝર્સ છે જેઓ એપ પર પોસ્ટ વગેરે જોઈ શકતા નથી.

X પ્લેટફોર્મ ડાઉન થવાનું કરાણ શું?

ભારતીય વપરાશકર્તાઓને X પ્લેટફોર્મ પર લગભગ 1.12PM પર આ સમસ્યાનો સામનો કરવો પડ્યો હતો જે દરમિયાન 429 અહેવાલો આવ્યા હતા. ત્યાર બાદ બપોરે 1.15 વાગ્યે વૈશ્વિક સ્તરે 3700 રિપોર્ટ્સ ફાઇલ કરવામાં આવ્યા અને જોકે, 3 વાગ્યા સુધીમાં આ સમસ્યાનો ઉકેલ આવવા લાગ્યો હતો. આ અંગે કંપનીએ કોઈ સત્તાવાર માહિતી શેર કરી ન હતી અને X પ્લેટફોર્મ ડાઉન થવાનું કારણ પણ જાણવા મળ્યું નથી.

એક મહિનામાં બીજી વખત X પ્લેટફોર્મ ડાઉન

X પ્લેટફોર્મ એક મહિનામાં બીજી વખત ડાઉન છે. ઘણા ભારતીય વપરાશકર્તાઓએ ફરિયાદ કરી હતી કે તેઓ આ પ્લેટફોર્મની સેવાઓનો ઉપયોગ કરી શકતા નથી. કોમ્પ્યુટર અને લેપટોપ યુઝર્સને ઘણી મુશ્કેલીનો સામનો કરવો પડ્યો હતો.