- ડોલર ઇન્ડેક્સ મજબૂત બનતા ચાંદીમાં ઉપલા મથાળે નફરૂપી વેચવાલી
- અમદાવાદ ખાતે કિલો દીઠ ચાંદી રૂ. 2,000 ઘટીને રૂ. 84,000 થઇ હતી
- અમદાવાદમાં 24 કેરેટ સોનું 10 ગ્રામ દીઠ રૂ. 200 નીચું આવીને રૂ. 74,000 થયું હતું
ડોલર ઇન્ડેક્સમાં મજબુતી અને US બોન્ડ યિલ્ડમાં વધારો થવાથી બુધવારે વૈશ્વિક બુલિયન માર્કેટમાં વેચવાલીનું પ્રેશર જોવા મળ્યું હતું. ખાસ કરીને ચાંદીમાં ઉપલા મથાળે નફરૂપી વેચવાલીનું પ્રમાણ વધારે હતું. તેની અસર રૂપે સ્થાનિક સ્તરે ચાંદીમાં રૂ. 2,000 મોટો ઘટાડો થયો હતો, જયારે સોનામાં ભાવ નજીવા ઘટયા હતા. વાયદા બજારમાં પણ સોના અને ચાંદીમાં નરમી રહી હતી.
અમદાવાદ ખાતે કિલો દીઠ ચાંદી રૂ. 2,000 ઘટીને રૂ. 84,000 થઇ હતી. અમદાવાદમાં 24 કેરેટ સોનું 10 ગ્રામ દીઠ રૂ. 200 નીચું આવીને રૂ. 74,000 થયું હતું, જયારે 22 કેરેટ સોનું ઘટીને 73,800 પ્રતિ 10 ગ્રામ થયું હતું. MCX પર ચાંદીનો સપ્ટેમ્બર વાયદો રૂ. 1509 ઘટીને રૂ. 84,147 થયો હતો. MCX ગોલ્ડ ઓક્ટોબર વાયદો રૂ. 492 ઘટીને રૂ. 71,630 ઉપર પહોચ્યો હતો.
