- સેન્સેક્સમાં 1.82 ટકાનો વધારો નોંધાયો
- નિફ્ટીમાં 1.76 ટકાનો વધારો
- કારોબારના છેલ્લા દિવસે નિફ્ટી ઓલટાઈ હાઈ સપાટીએ પહોંચ્યો
ભારતીય શેરબજાર આજે કારોબારના છેલ્લા દિવસે એટલે કે, 26 જુલાઈએ શુક્રવારે શાનદાર તેજી સાથે બંધ થયું હતું. જ્યારે સવારે માર્કેટ તેજી સાથે ઓપન થયું હતું. નિફ્ટીએ 24,861ની ઓલટાઈમ હાઈ સપાટી બનાવી અને 428 પોઈન્ટના વધારા સાથે 24,834 પર બંધ થયો.
તે જ સમયે, સેન્સેક્સ 1292 પોઇન્ટના વધારા સાથે 81,332ના સ્તરે બંધ થયો હતો. સેન્સેક્સના 30 શેરોમાંથી 27માં ઉછાળો અને 3માં ઘટાડો જોવા મળ્યો હતો. નિફ્ટીના 50 શેરોમાંથી 47 ઊંચકાયા હતા અને 3 ડાઉન હતા.બજારના આ ઉછાળાને કારણે આજે શેરબજારના રોકાણકારોને રૂ.7 લાખ કરોડનો નફો થયો છે.
આ શેર્સમાં સૌથી વધુ વધારો થયો છે
નિફ્ટી પેક શેર્સમાં આજે શ્રીરામ ફાઈનાન્સે સૌથી વધુ 9.52 ટકાનો વધારો નોંધાવ્યો હતો. આ સિવાય સિપ્લા 5.76 ટકા, ડિવિસ લેબ 5.39 ટકા, ભારતી એરટેલ 4.32 ટકા અને એપોલો હોસ્પિટલ 4.14 ટકા નોંધાયા હતા. તે જ સમયે, સૌથી મોટો ઘટાડો ONGCમાં 1.04 ટકા, નેસ્લે ઇન્ડિયામાં 0.11 ટકા અને HDFC બેન્કમાં 0.02 ટકા નોંધાયો હતો.
તમામ ઈન્ડેક્સ ગ્રીન નિશાન પર બંધ થયા છે
આજે સપ્તાહના છેલ્લા ટ્રેડિંગ દિવસે શુક્રવારે તમામ ઈન્ડેક્સ લીલા નિશાન પર બંધ થયા હતા. સૌથી વધુ વધારો નિફ્ટી મેટલમાં 3.30 ટકા, નિફ્ટી આઇટીમાં 2.35 ટકા અને નિફ્ટી હેલ્થકેર ઇન્ડેક્સમાં 3.07 ટકા નોંધાયો હતો. આ ઉપરાંત નિફ્ટી મિડસ્મોલ હેલ્થકેર 1.45 ટકા, નિફ્ટી ઓઇલ એન્ડ ગેસ 0.40 ટકા, નિફ્ટી કન્ઝ્યુમર ડ્યુરેબલ્સ 1.38 ટકા, નિફ્ટી રિયલ્ટી 1 ટકા, નિફ્ટી પ્રાઇવેટ બેન્ક 0.68 ટકા, નિફ્ટી પીએસયુ બેન્ક 1.49 ટકા, નિફ્ટી ફાર્મા 2.77 ટકા સુધર્યા હતા ટકા, નિફ્ટી એફએમસીજી 0.87 ટકા, નિફ્ટી ફાઇનાન્શિયલ સર્વિસિસ 1.22 ટકા, નિફ્ટી ઓટો 2.43 ટકા અને નિફ્ટી બેન્ક 0.86 ટકા વધ્યા હતા.
ગઈકાલે શેરબજાર ઘટાડા સાથે બંધ થયું હતું
આ અગાઉ એટલે કે, ગઈકાલે ગુરુવારે 25મી જુલાઈએ શેરબજારમાં ઘટાડો અને ફરી રિકવરી જોવા મળી હતી. સેન્સેક્સ દિવસના નીચલા સ્તતરથી 562 અંક રિકવર થઈ 109 પોઈન્ટના ઘટાડા સાથે 80,039ના સ્તરે બંધ થયું હતું.
જ્યારે નિફ્ટીમાં પણ 196 અંકની રિકવરી જોવા મળી હતી. આ સાત અંકના ઘટાડા સાથે 24,406ના સ્તરે બંધ થયું હતું. સેન્સેક્સના 30 પૈકી 16 શેરમાં ઘટાડો રહ્યો હતો જ્યારે 14માં તેજી રહી હતી. નિફ્ટીના 50 શેર્સમાંથી 25માં ઘટાડો જ્યારે 25માં તેજી રહી હતી.
