ભારતીય શેરબજાર આજે એટલે કે, 03 ઑક્ટોબરે ગુરુવારે ઈરાન-ઈઝરાયલ યુદ્ધને લીધે ભારે કડાકા સાથે ખુલ્યું છે. સેન્સેક્સ 800થી વધુ પોઈન્ટના ભારે કડાકા સાથે 83,400ના લેવલ પર કારોબાર કરી રહ્યો છે. નિફ્ટીમાં પણ 300થી વધુ પોઈન્ટનો ઘટાડો થયો છે, તે 25,450ના સ્તરે કારોબાર કરી રહ્યો છે.


આજે ઓટો, એનર્જી અને બેન્કિંગ શેર્સમાં મોટો ઘટાડો જોવા મળી રહ્યો છે. ટાટા મોટર્સ અને મારુતિ લગભગ 2 ટકાની નીચે છે. આ અઠવાડિયામાં અત્યાર સુધીમાં બજારમાં લગભગ 2,500 પોઈન્ટ્સનો ઘટાડો જોવા મળ્યો છે.

શરૂઆતના ટ્રેડિંગમાં નિફ્ટીના 50 શેરોમાંથી 44 શેર રેડ નિશાન પર ટ્રેડ થતા જોવા મળ્યા હતા અને 6 શેર ગ્રીન નિશાન પર ટ્રેડ થતા જોવા મળ્યા હતા. તે જ સમયે, સેન્સેક્સના 30 શેરોમાંથી 3 શેર લીલા નિશાન પર અને 27 શેર લાલ નિશાન પર ટ્રેડ થતા જોવા મળ્યા હતા.

Also Read


મંગળવારે બજારમાં ઘટાડો જોવા મળ્યો હતો

આ અગાઉ મંગળવારે એટલે કે પહેલી ઑક્ટોબરે સેન્સેક્સ 33 પોઈન્ટ ઘટીને 84,266ના સ્તરે બંધ થયો હતો. તે જ સમયે, નિફ્ટી પણ 15 પોઈન્ટ ઘટીને 25,796 ના સ્તર પર બંધ થયો હતો. બીજી ઑક્ટોબરે ગાંધી જયંતીના દિવસે બજાર બંધ હતું.


નિફ્ટી શેર્સની સ્થિતિ

નિફ્ટીના શેરની વાત કરીએ તો શરૂઆતના વેપારમાં સૌથી મોટો ઘટાડો આઇશર મોટર્સમાં 3.12 ટકા, બજાજ-ઓટોમાં 2.61 ટકા, ટાટા મોટર્સમાં 2.56 ટકા, BPCLમાં 2.55 ટકા અને મહિન્દ્રા એન્ડ મહિન્દ્રામાં 2.37 ટકાનો ઘટાડો જોવા મળ્યો હતો. આ સિવાય JSW સ્ટીલમાં 1.91 ટકા, ONGCમાં 1.47 ટકા, હિન્દાલ્કોમાં 0.66 ટકા, ટ્રેન્ટ લિમિટેડમાં 0.07 ટકા અને સન ફાર્મામાં 0.04 ટકાનો વધારો જોવા મળ્યો હતો.


  • Follow us on: