[[$googlead]]
દેશમાં સોનાના ભાવ સતત વધી રહ્યા છે. છેલ્લા એક અઠવાડિયામાં 24 કેરેટ સોનું 1370 રૂપિયા મોંઘુ થયું છે. 22 કેરેટ સોનાના ભાવમાં 1300 રૂપિયાનો વધારો થયો છે. રાજધાની દિલ્હીમાં 24 કેરેટ સોનાનો હાલનો ભાવ 91 હજાર 350 રૂપિયા પ્રતિ 10 ગ્રામ છે. ત્યારે આવો જાણીએ દેશના મોટા 10 શહેરોમાં શું છે સોના-ચાંદીનો ભાવ

દિલ્હીમાં સોનાનો ભાવ
દિલ્હીમાં 24 કેરેટ સોનાનો ભાવ 91,350 રૂપિયા પ્રતિ 10 ગ્રામ છે. 22 કેરેટની કિંમત 83750 રૂપિયા પ્રતિ 10 ગ્રામ છે.

કોલકાતા, ચેન્નાઈ અને મુંબઈમાં સોનાની કિંમત 
હાલમાં, મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ 83,600 રૂપિયા છે, જ્યારે 24 કેરેટ સોનાનો ભાવ પ્રતિ 10 ગ્રામ 91,200 રૂપિયા છે.

જયપુર, લખનૌ અને ચંદીગઢમાં સોનાની કિંમત 
આ બંને શહેરોમાં 24 કેરેટ સોનાનો ભાવ 10 ગ્રામ દીઠ 91,350 રૂપિયા છે. 22 કેરેટની કિંમત 83750 રૂપિયા પ્રતિ 10 ગ્રામ છે.

હૈદરાબાદમાં સોનાની કિંમત 
હૈદરાબાદમાં 22 કેરેટ સોનાનો ભાવ પ્રતિ 10 ગ્રામ 83, 600 રૂપિયા છે, જ્યારે 24 કેરેટ સોનાનો ભાવ પ્રતિ 10 ગ્રામ 91,200 રૂપિયા છે.
ભોપાલ અને અમદાવાદમાં કિંમત
અમદાવાદ અને ભોપાલમાં 22 કેરેટ સોનાનો છૂટક ભાવ 83,650 રૂપિયા પ્રતિ 10 ગ્રામ છે. 24 કેરેટ સોનાની કિંમત 91250 રૂપિયા પ્રતિ 10 ગ્રામ છે.

ચાંદીનો ભાવ
ચાંદીની કિંમતમાં પણ ડગલેને પગલે ભાવ વધારો જોવા મળી રહ્યો છે. છેલ્લા એક અઠવાડિયામાં તે 3000 રૂપિયા મોંઘુ થઈ ગયું છે. હાલનો ભાવ પ્રતિ કિલો રૂ. 104000 છે. 29 માર્ચે ઇન્દોર બુલિયન માર્કેટમાં ચાંદીના ભાવમાં પ્રતિ કિલો 300 રૂપિયાનો વધારો થયો હતો. આ પછી ચાંદીનો સરેરાશ ભાવ પ્રતિ કિલો 100800 રૂપિયા થઈ ગયો.

નાણાકીય વર્ષ 24 માં 48 દેશોમાંથી સોનાની આયાત
ભારતે નાણાકીય વર્ષ 2023-24માં 48 દેશોમાંથી સોનાની આયાત કરી હતી. રાજ્યસભામાં એક પ્રશ્નના લેખિત જવાબમાં, વાણિજ્ય અને ઉદ્યોગ રાજ્યમંત્રી જિતિન પ્રસાદે જણાવ્યું હતું કે ભારત સોના પર મેજર ફેવર્ડ નેશન (MFN) ધોરણે અથવા ફ્રી ટ્રેડ એગ્રીમેન્ટ (FTA) ધોરણે આયાત ડ્યુટી વસૂલ કરે છે. MFN દરો હેઠળ, સોના પર આયાત ડ્યુટી 6 ટકા છે. જ્યારે અશુદ્ધ સોના માટે તે 5.35 ટકા છે.

  • Follow us on: