Gold Price Today: ઉત્તરાયણે સોનુ કેટલુ થયું સસ્તુ? જાણો આજનો ભાવ

એક તરફ શેરબજારમાં મંદીનો માહોલ છે. તો બીજી તરફ સોનાના ભાવમાં વધારો યથાવત જોવા મળ્યો છે. 14 જાન્યુઆરીના શરૂઆતના કારોબારમાં પણ સોનાના ભાવમાં વધારો જોવા મળ્યો છે. 24 કેરેટ સોનું 10 ગ્રામ 80,080 રૂપિયામાં ઉપલબ્ધ છે. એ પ્રમાણે ચાંદીના ભાવમાં પણ વધારો થયો છે. ચાંદી 94,600 રૂપિયા પ્રતિ કિલોના ભાવે ઉપલબ્ધ જોવા મળે છે.

કેમ વધી રહ્યા છે ભાવ? 

છેલ્લા કેટલાક દિવસોથી સોનાના ભાવમાં સતત વધારો થઈ રહ્યો છે. નિષ્ણાંતો કહે છે કે ડોલર સામે રૂપિયાની નબળાઈ અને ક્રૂડ ઓઇલના ભાવમાં વધારાને કારણે સોનાની ચાલમાં વધારો થયો છે. તેમનું કહેવું છે કે ચાંદીના ઔદ્યોગિક ઉપયોગને કારણે ભાવ વધી રહ્યા છે. તમને જણાવી દઈએ કે ગયા વર્ષે સોના અને ચાંદીના ભાવે ઘણા નવા રેકોર્ડ બનાવ્યા હતા. નિષ્ણાતો કહે છે કે 2025 માં પણ સોનું સારું વળતર આપતું રોકાણ સાબિત થશે.

ભાવમાં આટલો ફરક કેમ?

દરેક શહેરમાં સોનાના ભાવ અલગ અલગ કેમ હોય છે, બધા શહેરોમાં ભાવ સરખા કેમ નથી હોતા? આવો સવાલ થાય તે સ્વાભાવિક છે. સોનાની કિંમત ઘણી બાબતો પર આધાર રાખે છે અને તેમાં ટેક્સ સૌથી મહત્વપૂર્ણ છે. રાજ્ય સરકારો દ્વારા સોના પર સ્થાનિક કર લાદવામાં આવે છે. જે દરેક રાજ્ય અને શહેરમાં અલગ અલગ હોય છે, જેના કારણે તેના ભાવમાં તફાવત જોવા મળે છે.

કિંમતો પર કેવી અસર પડે છે?

દેશમાં સોનાના ભાવ માત્ર માંગ અને પુરવઠાથી પ્રભાવિત નથી થતા પરંતુ આંતરરાષ્ટ્રીય સ્તરે થતી પ્રવૃત્તિઓથી પણ પ્રભાવિત થાય છે. લંડન ઓટીસી સ્પોટ માર્કેટ અને કોમેક્સ ગોલ્ડ ફ્યુચર્સ માર્કેટ સહિત મુખ્ય વૈશ્વિક બજારોમાં ટ્રેડિંગ પ્રવૃત્તિ દ્વારા પણ સોનાના ભાવ મોટાભાગે પ્રભાવિત થાય છે.

કિંમત કોણ નક્કી કરે છે?

સોનાની કિંમત વિશ્વભરમાં લંડન બુલિયન માર્કેટ એસોસિએશન (LBMA) દ્વારા નક્કી કરવામાં આવે છે. તે સોનાના ભાવ યુએસ ડોલરમાં પ્રકાશિત કરે છે, જે બેંકરો અને બુલિયન વેપારીઓ માટે વૈશ્વિક બેન્ચમાર્ક તરીકે કામ કરે છે. જ્યારે આપણા દેશમાં ઇન્ડિયન બુલિયન જ્વેલર્સ એસોસિએશન (IBJA) સોનાના આંતરરાષ્ટ્રીય ભાવમાં આયાત ડ્યુટી અને અન્ય કર ઉમેરે છે અને રિટેલર્સને કયા દરે સોનું આપવામાં આવશે તે નક્કી કરે છે.

આ મહાનગરોમાં સોનાનો ભાવ