12 મે, સોમવારના રોજ ભારતીય શેરબજારમાં ઉછાળો જોવા મળ્યો. ત્યારે સોના ચાંદીના ભાવમાં પણ ફેરફાર જોવા મળ્યો છે. સોમવારે સોનાના ભાવમાં મોટો ઘટાડો જોવા મળ્યો. ગત સપ્તાહની સરખામણીએ સોનુ 1800 રૂપિયા સસ્તુ થયુ છે.
સોનાનો આજનો શું છે ભાવ?
ગયા અઠવાડિયાની સરખામણીમાં સોનાનો ભાવ 1800 રૂપિયા સસ્તો થયો છે. આજે 24 કેરેટ સોનાના 10 ગ્રામનો ભાવ 96,900 રૂપિયા છે અને 22 કેરેટ સોનાનો ભાવ 88,800 રૂપિયા પર ટ્રેડ થઈ રહ્યો છે. જોકે, સ્થાનિક બજારમાં સોનાના ભાવમાં કોઈ મોટો વધઘટ જોવા મળ્યો નથી. હાલમાં દેશના તમામ શહેરોમાં 24 કેરેટ સોનું 96 હજાર રૂપિયા પ્રતિ 10 ગ્રામથી ઉપર કારોબાર કરી રહ્યું છે. જો આપણે સોનાના ઘરેણા ખરીદનારાઓની વાત કરીએ તો, 22 કેરેટ સોનાની કિંમત પ્રતિ 10 ગ્રામ 88 હજાર રૂપિયાથી વધુ છે.
ચાંદીના ભાવમાં કેટલો ફેરફાર ?
આજે બુલિયન બજારમાં 100 ગ્રામ ચાંદીનો ભાવ 110 રૂપિયા ઘટીને 9790 રૂપિયા થયો છે. આ ઉપરાંત, 1 કિલો ચાંદીનો ભાવ 1100 રૂપિયા ઘટીને 97,900 રૂપિયા થયો છે. આજે દેશભરમાં 10 ગ્રામ ચાંદીનો ભાવ 979 રૂપિયા છે.
| શહેરનું નામ | 22 કેરેટ સોનાનો દર | 24 કેરેટ સોનાનો દર |
| દિલ્હી | 88,950 | 97,030 |
| ચેન્નાઇ | 88,800 | 96,880 |
| મુંબઇ | 88,800 | 96,880 |
| કોલકાતા | 88,800 | 96,880 |
| જયપુર | 88,950 | 97,030 |
| લખનૌ | 88,950 | 97,030 |
| અમદાવાદ | 88,850 | 96,930 |
સોનાનો ભાવ કેવી રીતે નક્કી થાય છે?
ભારતમાં સોનાના ભાવ ઘણા કારણોસર બદલાય છે જેમ કે આંતરરાષ્ટ્રીય બજારના ભાવ, સરકારી કર અને રૂપિયાના મૂલ્યમાં વધઘટ. સોનું ફક્ત રોકાણનું સાધન નથી, પરંતુ તે આપણી પરંપરાઓ અને તહેવારોનો એક મહત્વપૂર્ણ ભાગ પણ છે. ખાસ કરીને લગ્ન અને તહેવારો દરમિયાન તેની માંગ વધી જાય છે.









