હવે લગ્નની સિઝન શરૂ થઈ ગઈ છે. આવી સ્થિતિમાં લોકો સોના-ચાંદીની ખૂબ ખરીદી કરે છે. જો તમે પણ સોના-ચાંદીના ઘરેણાં ખરીદવાનું વિચારી રહ્યા છો, તો તમારા માટે આ યોગ્ય સમય છે. તહેવારોની સિઝનમાં જ્યાં ચાંદીનો ભાવ 1 લાખ રૂપિયા સુધી પહોંચી ગયો હતો ત્યાં 11,000 રૂપિયાનો ઘટાડો નોંધાયો છે. એ જ રીતે સોનું રૂ.80,000ને પાર કરી ગયું હતું, જે હવે ઘટીને રૂ.75,000ની આસપાસ આવી ગયું છે. સોના અને ચાંદીમાં ઘટાડો તમારી ખરીદી માટે ઉત્તમ તક બની શકે છે.
15 નવેમ્બરે, આંતરરાષ્ટ્રીય બજારના વલણને અનુરૂપ ભારતમાં સોનાની કિંમત 76,000 રૂપિયા પ્રતિ 10 ગ્રામની નીચે આવી ગઈ છે. ઉચ્ચ શુદ્ધતા માટે જાણીતા 24 કેરેટ સોનાની કિંમત શુક્રવારે ઘટીને 75,790 રૂપિયા પ્રતિ 10 ગ્રામ થઈ ગઈ હતી. જ્વેલરી ખરીદનારાઓ માટે, 22 કેરેટ સોનું, જે તેની એલોય રચનાને કારણે વધુ ટકાઉ છે. આજે 22 કેરેટ સોનાની કિંમત 70,000 રૂપિયાની નીચે ઘટીને 69,490 રૂપિયા પ્રતિ 10 ગ્રામ થઈ ગઈ છે. આજે ચાંદીની કિંમત પણ 1,500 રૂપિયા ઘટીને 89,400 રૂપિયા પ્રતિ કિલો થઈ ગઈ છે.
| શહેર | 22 કેરેટ સોનાનો ભાવ
| 24 કેરેટ સોનાનો ભાવ
|
| દિલ્હી | 69,490 | 75,790 |
| મુંબઈ | 69,340 | 75,640 |
| અમદાવાદ | 69,390 | 75,690 |
| ચેન્નાઈ | 69,340 | 75,640 |
| કોલકાતા | 69,340 | 75,640 |
સોનાની કિંમતોમાં આ વર્ષે ભારે વધારો જોવા મળ્યો છે. એક બાજુ મોડી 3.0 નું પહેલું બજેટ જાહેર થવા દરમિયાન સરકાર તરફથી સોના-ચાંદી પર કસ્ટમ ડ્યુટી દૂર કરવાની ઘોષણા બાદથી આ જબરદસ્ત તૂટયા હતા, તો તેના બીજા જ મહિનાથી Gold Price એવી જ ઝડપ પકડી કે બધા જ રેકોર્ડ તોડતા ટોચે પહોંચી છે. પરંતુ છેલ્લા બે અઠવાડિયાથી Gold Price માં ભારે ઘટાડો જોવા મળ્યો છે. ગુરુવારે જ મલ્ટી કોમોડિટી એક્સચેન્જ (MCX) પર 24 કેરેટ સોનાના 10 ગ્રામના ભાવમાં 700 રૂપિયાથી વધુનો ઘટાડો થયો છે.
બે અઠવાડિયામાં આટલો ઘટ્યો સોનાના ભાવ
MCX પર સોનાની કિંમતોમાં છેલ્લા બે અઠવાડિયામાં ફેરફાર જોવા મળ્યા, તો મહિનાની શરૂઆતમાં એટલે 1 નવેમ્બરે પાંચ ડિસેમ્બરની એક્સપાયરી વાળા Gold Rate 78,867 રૂપિયા પ્રતિ 10 ગ્રામ પર હતો, પરંતુ 14 નવેમ્બર 2024 ને ગુરુવારે ઘટીને 73,750 રૂપિયા પ્રતિ 10 ગ્રામ પર આવી ગયો. આ પ્રમાણે જોઈએ તો સોનાની કિંમતમાં 1 થી 14 નવેમ્બર દરમિયાન 5,117 રૂપિયા પ્રતિ 10 ગ્રામ સુધીનો ભારે ઘટાડો થયો છે.
