આંતરરાષ્ટ્રીય બજારમાં કિંમતી પીળી ધાતુ સોના-ચાંદીનાના ભાવમાં તેજી આવવી અને વ્યાજ દરમાં કાપની આશાએ ઘરેલું બુલિયન માર્કેટમાં લેવાલી વધી. આ કારણે સોના-ચાંદીના ભાવમાં વધારો થયો હતો. વાયદા કારોબારમાં સટોડિયાઓએ પોતાના સોદાની લેવાલી વધારી જેથી સોનું મોંઘું થયું હતું.
દિલ્હી બુલિયન માર્કેટમાં સોનાની કિંમત 500 રૂપિયા વધી 74,100 રૂપિયા પ્રતિ 10 ગ્રામ થઈ. બુલિયન બજારમાં 99.5 ટકા શુદ્ધ સોનાનો ભાવ 500 રૂપિયાની તેજીની સાથે 73,750 રૂપિયા પ્રતિ 10 ગ્રામ થયો, જે ગુરુવારે 73,250 રૂપિયા પ્રતિ 10 ગ્રામ હતો.
બુલિયન માર્કેટમાં લેવાલી વધતા સોનું મોંઘું
મળતી માહિતી અનુસાર, આંતરરાષ્ટ્રીય સ્તરે પીળી ધાતુના ભાવમાં તેજી આવવાને લીધે ઘરેલું બુલિયન માર્કેટમાં લેવાલી વધી. અમેરિકી રોજગાર આંકડાઓની અપેક્ષાએ નબળા રહેતા ગુરુવારે બુલિયન માર્કેટમાં તેજી આવી હતી. જેનાથી વ્યાજ દરોમાં ભારે કાપની આશા વધી છે. આનાથી સોનાને ટેકો મળ્યો. અમેરિકાના રોજગાર આંકજાઓ પછી બજાર કારોબારિયોએ 18 સપ્ટેમ્બર 2024ના રોજ ફેડરલ રિઝર્વની તરફથી વ્યાજ દરમાં કાપની શક્યતા વ્યક્ત કરી છે.
વાયદા કારોબારમાં પણ સોનાના ભાવ વધ્યા
મજબૂત હાજર માંગ વચ્ચે સટોડિયા તરફથી વધુ તાજા સોદાની લેવાલી કરવાથી વાયદા કારોબારમાં ગુરુવારે સોનાના ભાવ 183 રૂપિયાની તેજીની સાથે 71,649 રૂપિયા પ્રતિ 10 ગ્રામ થયા છે. મલ્ટિ કોમોડિટી એક્સચેંજમાં ઑક્ટોબર મહિનાના ડિલીવરી વાળા કરાર ધરાવતા ભાવ 183 રૂપિયા એટલે કે, 0.26 ટકાની તેજીની સાથે 71,649 રૂપિયા પ્રતિ 10 ગ્રામ થયો. આમાં 15,118 લૉટનો કારોબાર થયો.
ચાંદીના વાયદા ભાવમાં આવી તેજી
મજબૂત હાજર માંગ વચ્ચે કારોબારિયોની તરફથી પોતાના સોદાનો આકાર વધારવાથી વાયદા કારોબારમાં ચાંદીના ભાવ 335 રૂપિયાની તેજીની સાથે 83,900 રૂપિયા પ્રતિ કિલોગ્રામ થઈ છે. એમસીએક્સમાં ચાંદીનો ડિસેમ્બર મહિનામાં ડિલીવરી ધરાવતા કરારની કિંમત 335 રૂપિયા એટલે કે, 0.4 ટકાની તેજીની સાથે 83,900 રૂપિયા પ્રતિ કિલોગ્રામ થઈ છે. આમાં 31,985 રૂપિયાના લૉટનો કારોબાર થયો.
