દેશમાં સોના અને ચાંદીના ભાવને લઈને નવું અપડેટ સામે આવ્યું છે. આજે ગુરુવાર 14 નવેમ્બરે સવારે સોનાની કિંમતમાં ઘટાડો જોવા મળી રહ્યો છે. ઘરેલું સ્તરે સોનાના વાયદા રેડ ઝોનમાં ટ્રેડ કરતા જોવા મળ્યા છે. વૈશ્વિક બજારમાં પણ ગુરુવારે સોનાના ભાવમાં મોટું ગાબડું જોવા મળ્યું છે.
સોનાનો વૈશ્વિક ભાવ
ગુરુવારે સોનાના વૈશ્વિક ભાવમાં ઘટાડો જોવા મળ્યો હતો. મળતી માહિતી અનુસાર, કોમેક્સ પર સોનાની વૈશ્વિક કિંમત 0.75 ટકા અથવા 19.40 ડોલર ઘટીને 2567.10 ડોલર પ્રતિ ઔંસ પર ટ્રેડ થતી જોવા મળી હતી. તે જ સમયે, ગોલ્ડ સ્પોટ 0.41 ટકા અથવા 10.51 ડોલરના ઘટાડા સાથે 2562.47 ડોલર પ્રતિ ઔંસ પર ટ્રેડ થતો જોવા મળ્યો હતો.
ચાંદીમાં જોરદાર ઘટાડો
સોનાની સાથે ચાંદીના ઘરેલું વાયદા ભાવમાં પણ ગુરુવારે સવારે મોટો કડાકો જોવા મળ્યો હતો. એમસીએક્સ ઉપર ગુરુવારે સવારે પાંચ ડિસેમ્બર 2024ના ડિલીવરી ધરાવતી ચાંદી 1.20 ટકા અથવા 1072 રૂપિયાના ઘટાડાની સાથે 88,125 રૂપિયા પ્રતિ કિલોગ્રામ પર ટ્રેડ કરતી જોવા મળી. જ્યારે પાંચમી માર્ચ 2025ની ડિલીવરી ધરાવતી ચાંદી આ સમયે 1.25 ટકા અથવા 1143 રૂપિયાના ઘટાડાની સાથે 90,381 રૂપિયા પ્રતિ કિલોગ્રામ પર ટ્રેડ કરતી જોવા મળી.
વૈશ્વિક ચાંદીના ભાવ
સોનાની સાથે સાથે ચાંદીના વૈશ્વિક ભાવમાં પણ ગુરુવારે સવારે ઘટાડો જોવા મળ્યો હતો. કોમેક્સ પર, ચાંદી 1.40 ટકા અથવા 0.43 ડોલર ઘટીને 30.24 ડોલર પ્રતિ ઔંસ પર ટ્રેડ થતી જોવા મળી હતી. તે જ સમયે, ચાંદી હાજર 0.54 ટકા અથવા 0.16 ડોલરના ઘટાડા સાથે 30.14 ડોલર પ્રતિ ઔંસ પર ટ્રેડ થતી જોવા મળી હતી.
