સોના અને ચાંદીના વાયદા ભાવમાં નરમી જોવા મળી રહી છે. આજે બંનેના વાયદા ભાવ તૂટીને ખુલ્યા છે. આજે સોનાનો વાયદા ભાવ 78 હજાર રૂપિયાની નજીક છે, જ્યારે ચાંદીના વાયદા ભાવ 96,500 રૂપિયાની નજીક કારોબાર કરી રહ્યો છે. આંતરરાષ્ટ્રીય બજારમાં સોના અને ચાંદીના વાચદા ભાવમાં નબળાઈ જોવા મળી રહી છે.
સોનાના ભાવમાં આવ્યો સામાન્ય ઘટાડો
સોનાના વાયદાના ભાવમાં ઘટાડા સાથે શરૂઆત થઈ હતી. મલ્ટી કોમોડિટી એક્સચેન્જ (MCX) ઉપર સોનાનો બેન્ચમાર્ક ડિસેમ્બર કોન્ટ્રાક્ટ આજે રૂપિયા 279ના ઘટાડા સાથે રૂપિયા 78,048 પર ખુલ્યો હતો. સમાચાર લખાય છે ત્યારે આ કોન્ટ્રાક્ટ રૂપિયા 270ના ઘટાડા સાથે રૂપિયા 78,057ના ભાવે ટ્રેડ થઈ રહ્યો હતો. આ સમયે તે દિવસની ટોચે રૂપિયા 78,080 અને દિવસની નીચી સપાટી રૂપિયા 78,048 પર પહોંચ્યો હતો. સોનાના વાયદાની કિંમત આ વર્ષની ઓલટાઈમ હાઈ સપાટી રૂપિયા 78,919 પર પહોંચી ગઈ હતી.
ચાંદીના વાયદાના ભાવમાં ઘટાડો થયો
ચાંદીના વાયદાની શરૂઆત પણ સુસ્ત રહી હતી. MCX પર ચાંદીનો બેન્ચમાર્ક ડિસેમ્બર કોન્ટ્રાક્ટ આજે રૂપિયા 331ના ઘટાડા સાથે રૂ. 96,701 પર ખુલ્યો હતો. લખાય છે ત્યારે આ કોન્ટ્રાક્ટ રૂપિયા 458ના ઘટાડા સાથે રૂપિયા 96,574 પર ટ્રેડ કરી રહ્યો હતો. આ સમયે તે દિવસની ટોચે રૂપિયા 96,769 અને દિવસની નીચી સપાટી રૂપિયા 96,502 પર પહોંચ્યો હતો. આ વર્ષે ચાંદીના વાયદાના ભાવ રૂપિયા 1,00081ની સર્વોચ્ચ સપાટીએ પહોંચી ગયા હતા.
આંતરરાષ્ટ્રીય બજારમાં સોના-ચાંદીની કિંમતો ધીમી પડી
આજે આંતરરાષ્ટ્રીય બજારમાં સોનાના વાયદાના ભાવમાં સામાન્ય ઘટાડા સાથે શરૂઆત થઈ હતી. ચાંદીના વાયદાના ભાવ વધારા સાથે ખુલ્યા બાદ નરમ પડ્યા હતા. કોમેક્સ પર સોનું 2,748.60 ડોલર પ્રતિ ઔંસ પર ખુલ્યું હતું. અગાઉનો બંધ ભાવ 2,748.90 ડોલર પ્રતિ ઔંસ હતો. છેલ્લા આ 8.50 ડોલરના ઘટાડા સાથે 2,740.40 ડોલર પ્રતિ ઔંસના ભાવે ટ્રેડ થઈ રહ્યો હતો. કોમેક્સ પર ચાંદીનો વાયદો 33.85 ડોલર પર ખુલ્યો, જે અગાઉનો બંધ ભાવ 33.79 ડોલર હતો. અને છેલ્લા આ 0.03 ડોલરના ઘટાડા સાથે 33.76 ડોલર પ્રતિ ઔંસ પર ટ્રેડ કરી રહ્યું હતું.
સોનું ખરીદતા સમયે આ વાતનું ધ્યાન રાખો
સોનાના દાગીના ખરીદતી વેળાએ કદી પણ ક્વોલિટીને અવગણશો નહિ. હોલમાર્ક જોઈને દાગીના ખરીદો, જેથી કારણ કે, આ સોનાની સરકારી ગેરન્ટી છે. તમને જણાવી દઈએ કે, ભારતની એકમાત્ર એજન્સી બ્યૂરો ઑફ ઈન્ડિયન સ્ટાન્ડર્ડ છે (BIS), હોલમાર્ક નક્કી કરે છે. તમામ કેરેટના હોલમાર્ક પોઈન્ટ જુદાજુદા હોય છે, જેને જોઈને સમજીને જ તમે સોનું ખરીદો.
