સોનાના ભાવમાં થયો મોટો ઘટાડો, ખરીદી કરવાની સુવર્ણ તક ઝડપી લો

• ભારતના સ્થાનિક બજારમાં સોનું સસ્તું થયું 
  
• દેશભરમાં 24 કેરેટ સોનાની કિંમતમાં સરેરાશ 400 રૂપિયાનો ઘટાડો 
• દિલ્હીમાં સોનું 410 રૂપિયા પ્રતિ 10 ગ્રામ સસ્તું થયું 

વિદેશી બજારોમાં ભલે સોનાના ભાવ વધી રહ્યા હોય પરંતુ ભારતના સ્થાનિક બજારમાં સોનું 400 રૂપિયાથી વધુ સસ્તું થયું છે. જે સોનાના ખરીદદારો માટે રાહતના સમાચાર છે. આ ઘટાડા બાદ દેશના વિવિધ શહેરોમાં સોનાની કિંમત 73 હજાર રૂપિયાની નીચે આવી ગઈ છે.

જો દેશની રાજધાની દિલ્હીની વાત કરીએ તો 22 કેરેટ સોનાની કિંમતમાં 400 રૂપિયા અને 24 કેરેટ સોનાની કિંમતમાં 410 રૂપિયાનો ઘટાડો જોવા મળ્યો છે. આવી જ સ્થિતિ ચેન્નાઈ, પુણે, મુંબઈ, કેરળ અને અમદાવાદમાં પણ જોવા મળી છે. 

દિલ્હીમાં સોનું સસ્તું થયું

દેશની રાજધાની દિલ્હીમાં સોનાની કિંમતમાં મોટો ઘટાડો જોવા મળ્યો છે. ગુડ રિટર્ન્સના ડેટા અનુસાર, દેશભરમાં 24 કેરેટ સોનાની કિંમતમાં સરેરાશ 400 રૂપિયાનો ઘટાડો થયો છે. જ્યારે દિલ્હીમાં સોનું 410 રૂપિયા પ્રતિ 10 ગ્રામ સસ્તું થયું છે. જે બાદ દિલ્હીમાં 24 કેરેટ સોનાની કિંમત 72,970 રૂપિયા પ્રતિ 10 ગ્રામ પર આવી ગઈ છે. 22 કેરેટ સોનાની કિંમતમાં 400 રૂપિયાનો ઘટાડો થયો છે. જે બાદ તેની કિંમત ઘટીને 66,900 રૂપિયા પ્રતિ 10 ગ્રામ થઈ ગઈ છે. છેલ્લા 10 દિવસમાં સોનાના ભાવમાં નોંધપાત્ર ઘટાડો થયો છે.

વિદેશી બજારમાં સોનાના ભાવ

તો બીજી તરફ વિદેશી બજારમાં સોનાના ભાવમાં ઉછાળો જોવા મળી રહ્યો છે. અમેરિકન કોમેક્સ માર્કેટમાં સોનાના ભાવમાં પ્રતિ ઔંસ $5.80 નો વધારો જોવા મળી રહ્યો છે અને ભાવ $2,348.80 પ્રતિ ઔંસ પર આવી ગયો છે. ગોલ્ડ સ્પોટના ભાવમાં પ્રતિ ઔંસ $6.68 નો વધારો જોવા મળી રહ્યો છે અને ભાવ પ્રતિ ઔંસ $2,343 પર આવી ગયો છે. બ્રિટિશ માર્કેટમાં સોનાનો ભાવ ઔંસ દીઠ 6.16 પાઉન્ડના વધારા સાથે 1,866.44 પાઉન્ડ પ્રતિ ઔંસ પર ટ્રેડ થઈ રહ્યો છે. યુરોપિયન માર્કેટમાં સોનાના ભાવમાં પ્રતિ ઔંસ 7.39 યુરોનો વધારો જોવા મળી રહ્યો છે અને ભાવ ઔંસ દીઠ 2,172.83 યુરો પર આવી ગયો છે.