- રેલવે સુરક્ષા કર્મચારીઓને સમયસર સુરક્ષા સાધનો અને યુનિફોર્મ આપશે
- વોટરપ્રૂફ રેઈનકોટ માટે વાર્ષિક રૂ.1200 રૂપિયા, વિન્ટર જેકેટ માટે 2500 આપશે
- રેલવે બોર્ડે પોઈન્ટમેન માટે લેવલ-5 સુધી પ્રમોશન આપવાનો પ્રસ્તાવ તૈયાર કર્યો
ભારતીય રેલવેમાં દરરોજ 22,000થી વધુ પેસેન્જર ટ્રેનો અને માલસામાન ટ્રેનોના સલામત સંચાલન માટે જવાબદાર લાખો રેલ્વે સુરક્ષા કર્મચારીઓને સમયસર સુરક્ષા સાધનો અને યુનિફોર્મ મળશે. રેલવે બોર્ડે આ અંગે નવા આદેશ જારી કર્યા છે. રેલ્વે બોર્ડના એક વરિષ્ઠ અધિકારીએ જણાવ્યું હતું કે ઘણા ઝોનમાં રેલવે સુરક્ષા કર્મચારીઓ જેમ કે ગેટમેન, પોઈન્ટમેન, કેબિનમેન, લીવરમેન વગેરેને સમયસર ગણવેશ અને સુરક્ષા સાધનો આપવામાં આવતા નથી. આ સંદર્ભમાં રેલવે બોર્ડે ઉક્ત સુરક્ષા કર્મચારીઓ (શન્ટિંગ સ્ટાફ)ને સુરક્ષા સાધનો અને યુનિફોર્મનું વિતરણ કરવા માટે આદેશો જારી કર્યા છે.
જેમાં વોટરપ્રૂફ રેઈનકોટ માટે વાર્ષિક 1200 રૂપિયા અને વિન્ટર જેકેટ માટે 2500 રૂપિયા બે વર્ષમાં આપવામાં આવશે. વૈકલ્પિક વ્યવસ્થા હેઠળ જેકેટ્સ, ટ્રાઉઝર, ગ્લોવ્સ, સ્નો બૂટ, કેપ વગેરે માટે 10,000 રૂપિયાની જોગવાઈ કરવામાં આવી છે. સેફ્ટી બુટ-ટોર્ચ માટે રૂ.24,00 આપવામાં આવશે. તેમણે કહ્યું હતું કે દર વર્ષે 200થી વધુ સુરક્ષા કર્મચારીઓ ટ્રેનોને સુરક્ષિત રીતે ચલાવતી વખતે અકસ્માતનો ભોગ બને છે. ઝોનલ રેલવેને તેમની સુરક્ષા માટે સમયસર જરૂરી પગલાં ગોઠવવા અને પૂરા પાડવા માટે કડક આદેશો આપવામાં આવ્યા છે.
લેવલ-5 સુધીના પ્રમોશન માટેની દરખાસ્ત તૈયાર
રેલવે બોર્ડે પોઈન્ટમેન માટે લેવલ-5 સુધી પ્રમોશન આપવાનો પ્રસ્તાવ તૈયાર કર્યો છે. જેના કારણે તેમના પગારમાં જંગી વધારો થશે. આ અંગેનો પ્રસ્તાવ નાણાં મંત્રાલયને મોકલવામાં આવ્યો છે. ત્યાંથી ગ્રીન સિગ્નલ મળ્યા બાદ તેનો અમલ કરવામાં આવશે. એક વરિષ્ઠ અધિકારીએ જણાવ્યું કે હાલમાં પોઈન્ટમેન લેવલ-1 (ગ્રેડ પે- રૂ. 1800) પર ભરતી કરવામાં આવે છે. જીવનભર કામ કર્યા બાદ વ્યક્તિ બીજા સ્તરે નિવૃત્ત થાય છે (ગ્રેડ પે – રૂ. 1900).
અધિકારીએ કહ્યું હતું કે નવા પ્રસ્તાવમાં પોઈન્ટમેન કેટેગરીમાં લેવલ-વન અને ટુ ઉપરાંત લેવલ-ફોર અને લેવલ-ફાઈવ સુધી પ્રમોશનની જોગવાઈ હશે. પોઇન્ટમેનને લેવલ-4માં 2400 રૂપિયા અને લેવલ-5માં 2800 રૂપિયાનો ગ્રેડ પે મળશે.
