SBI Bankમાંથી લોન લેવી પડશે મોંધી, વ્યાજદરનો કર્યો વધારો, વાંચો Special Story

હવે દેશની સૌથી મોટી બેંક SBI પાસેથી લોન લેવી મોંઘી થશે, કારણ કે બેંકે MCLR રેટમાં 5 બેસિસ પોઈન્ટનો વધારો કર્યો છે. આ વધારો 3 મહિના, 6 મહિના અને એક વર્ષની મુદત માટે લોન પરના વ્યાજ દરમાં કરવામાં આવ્યો છે.દેશની સૌથી મોટી બેંક SBIએ તેના લોનના વ્યાજ દરમાં વધારો કર્યો છે. બેંકે 3 મહિના, 6 મહિના અને 1 વર્ષ માટે લોનના દરમાં વધારો કર્યો છે. તેના કારણે કાર, હોમ લોન અને પર્સનલ લોન મોંઘી થશે.

નવો વ્યાજદર

SBIએ તાજેતરમાં MCLRમાં બીજી વખત વધારો કર્યો છે. જો કે, બેંકે રાતોરાત, એક મહિના, બે વર્ષ અને ત્રણ વર્ષના સમયગાળા માટે MCLRમાં કોઈ ફેરફાર કર્યો નથી. આ સમયગાળા દરમિયાન વ્યાજ દરો પહેલા જેવા જ રહેશે.SBIએ 3 સમયગાળા માટે વ્યાજ દરોમાં MCLR માં 5 બેસિસ પોઈન્ટનો વધારો કર્યો છે, જેમાં 3 મહિનાની લોન પર વ્યાજ દર 8.50 થી વધારીને 8.55 ટકા અને 6 મહિનાની લોન પર વ્યાજ દર 8.85 થી વધારીને 8.90 ટકા કરવામાં આવ્યો છે. તે જ સમયે, એક વર્ષની લોન પર વ્યાજ દર 8.95 ટકાથી વધારીને 9 ટકા કરવામાં આવ્યો છે.

HDFC બેંકે પણ MCLRમાં વધારો કર્યો હતો

એચડીએફસી બેંકે પણ સપ્ટેમ્બર મહિનામાં વ્યાજ દરમાં વધારો કર્યો હતો. બેંકે MCLRમાં વધારો કર્યો હતો. જે રાતોરાત, એક મહિના અને 3 મહિનાની અવધિની લોન પર લાગુ થાય છે.

MCLR શું છે?

MCLR એ લઘુત્તમ વ્યાજ દર છે જેના પર બેંકો લોન આપે છે. કોઈપણ બેંક આ વ્યાજ દરથી ઓછા દરે કોઈ પણ વ્યક્તિને હોમ લોન, પર્સનલ લોન અથવા કાર લોન આપી શકશે નહીં. વર્ષ 2016માં આરબીઆઈએ બેઝ રેટ સિસ્ટમની જગ્યાએ આ સિસ્ટમ રજૂ કરી હતી. જો કે, જેમણે 2016 પહેલા લોન લીધી હતી તેઓ હજુ પણ BPLRને પાત્ર છે. જો બેંક MCLR દરમાં વધારો કરે છે. તેથી લોનની EMI આપોઆપ વધી જાય છે. આ સિવાય MCLR બેંકોના રેપો રેટ સાથે પણ સંબંધિત છે. તેથી, જો MCLR દરમાં કોઈ ફેરફાર થાય છે, તો તેની સીધી અસર હોમ લોનના વ્યાજ દર પર પડી શકે છે.