•  સેન્સેક્સમાં 80 પોઈન્ટનો ઘટાડો 
  • રિયલ્ટી અને હેલ્થ સેકટરના શેર્સમાં ભારે ઘટાડો
  • એશિયન માર્કેટમાં ભારે ઘટાડો


ભારતીય શેરબજાર આજે એટલે 24 જુલાઈએ બુધવારે ફલેટ ઓપન થયું છે. સેન્સેક્સ 80 અંકના ઘટાડા સાથે 80,343ના સ્તર પર કારોબાર કરી રહ્યો છે. નિફ્ટીમાં 30 પોઈન્ટનો ઘટાડો જોવા મળી રહ્યો છે, તે 24,440 ના સ્તર પર કારોબાર કરી રહ્યો છે. સેન્સેક્સના 30 શેરોમાંથી 15 વધી રહ્યા છે અને 15 ઘટી રહ્યા છે. નિફ્ટી રિયલ્ટી અને હેલ્થકેર શેરોમાં ઘટાડો જોવા મળી રહ્યો છે.


શેરબજાર ગઈકાલે ઘટાડા સાથે બંધ થયું હતું

ગઈકાલે બજેટ હોવા છતાં ટ્રેડિંગ દરમિયાન સેન્સેક્સ 1,278 પોઈન્ટ ઘટીને 79,224 પર પહોંચ્યો હતો. જોકે બાદમાં રિકવરી જોવા મળી હતી અને તે 73 પોઈન્ટના ઘટાડા સાથે 80,429ના સ્તરે બંધ રહ્યો હતો.

આ દરમિયાન નિફ્ટી પણ બજેટ સ્પીચમાં 435 પોઈન્ટ ઘટીને 24,074 પર આવી ગયો હતો. બજાર બંધ થાય તે પહેલા તે પણ સુધર્યું અને 30 પોઈન્ટના ઘટાડા સાથે 24,479ના સ્તરે બંધ થયું. નિફ્ટીના 50 શેરોમાંથી 20માં વધારો અને 29માં ઘટાડો નોંધાયો હતો.  


  • Follow us on: