Mundra Portએ રચ્યો ઈતિહાસ, કાર્ગો હેન્ડલિંગમાં બનાવ્યો નવો રેકોર્ડ

અદાણી ગ્રુપની કંપની અદાણી પોર્ટ્સ એન્ડ સ્પેશિયલ ઈકોનોમિક ઝોન (APSEZ)એ માર્ચ 2025માં એક અનોખો રેકોર્ડ બનાવ્યો છે. કંપનીએ આ નાણાકીય વર્ષ (FY25)માં અત્યાર સુધીનો સૌથી વધુ કાર્ગોનું સંચાલન કર્યું છે. આ સાથે મુન્દ્રા પોર્ટ એક વર્ષમાં 200.7 મિલિયન મેટ્રિક ટન (MMT)થી વધુ કાર્ગોનું સંચાલન કરનાર ભારતનું પ્રથમ પોર્ટ બની ગયું છે.

માર્ચ 2025માં રેકોર્ડ સ્તરે કાર્ગો હેન્ડલિંગ

માર્ચ 2025માં અદાણી પોર્ટ્સે કુલ 41.5 MMT કાર્ગોનું સંચાલન કર્યું છે, જે વાર્ષિક ધોરણે 9%નો વધારો બતાવે છે. તે જ સમયે, કન્ટેનર વોલ્યુમમાં વાર્ષિક 19%નો વધારો નોંધાયો છે. પ્રવાહી અને ગેસ કાર્ગોમાં વાર્ષિક 5%નો વધારો થયો છે. અદાણી પોર્ટ્સનું સૌથી મોટું બંદર, મુન્દ્રા પોર્ટ, નાણાકીય વર્ષ 2025માં 200.7 MMT કાર્ગોનું સંચાલન કરનાર દેશનું પ્રથમ બંદર બન્યું છે. આ સિદ્ધિ ભારતમાં લોજિસ્ટિક્સ અને વ્યવસાય વિસ્તરણના ઝડપી વિકાસને પ્રતિબિંબિત કરે છે.

વિઝિંજામ પોર્ટનું પણ શાનદાર પ્રદર્શન

કેરળમાં અદાણી પોર્ટ્સના વિઝિંજામ પોર્ટે પણ માર્ચ મહિનામાં 1 લાખ TEUs કન્ટેનરનું સંચાલન કર્યું છે, જે અદાણી ગ્રુપ માટે એક મોટો સીમાચિહ્નરૂપ છે. અદાણી પોર્ટ્સનું આ ઐતિહાસિક પ્રદર્શન ભારતના લોજિસ્ટિક્સ ક્ષેત્રની મજબૂતાઈ દર્શાવે છે. આ સિદ્ધિથી માત્ર અદાણી ગ્રુપને જ ફાયદો થશે નહીં, પરંતુ ભારતના પોર્ટ અને લોજિસ્ટિક્સ ક્ષેત્રને પણ મજબૂત બનાવશે. અદાણી પોર્ટ્સ આગામી મહિનાઓમાં તેની કાર્ગો હેન્ડલિંગ ક્ષમતામાં વધુ વધારો કરવાની યોજના ધરાવે છે. કંપનીને તેના કાર્ગો હેન્ડલિંગમાં વધુ વૃદ્ધિની અપેક્ષા છે.