મુકેશ અંબાણી સતત 3 વર્ષથી કોઈ પગાર લેતા નથી
પિતાની જેમ આકાશ, ઈશા અને અનંત અંબાણી કોઈ પગાર નહીં લે
બોર્ડ ઓફ ડિરેક્ટર્સ અને કમિટીઓની બેઠકોમાં હાજરી આપવા માટે જ ફી લેશે

ભારત અને એશિયાના સૌથી ધનિક વ્યક્તિ મુકેશ અંબાણી કોઈ પગાર લેતા નથી અને તેઓ સતત 3 વર્ષથી કોઈ પગાર લેતા નથી. હવે તેમના 3 બાળકોએ પણ આ જ રસ્તો અપનાવ્યો છે. અંબાણી પરિવારના 3 વારસદારો એટલે કે આકાશ અંબાણી, ઈશા અંબાણી અને અનંત અંબાણી કોઈ પગાર નહીં લે. તેઓને બોર્ડ ઓફ ડિરેક્ટર્સ અને કમિટીઓની બેઠકોમાં હાજરી આપવા માટે જ ફી ચૂકવવામાં આવશે. રિલાયન્સ ઇન્ડસ્ટ્રીઝે ત્રણેયની નિમણૂક પર શેરધારકોની મંજૂરી મેળવવા માટે રજૂ કરેલા પ્રસ્તાવમાં આ માહિતી આપી છે. નોંધનીય છે કે રિલાયન્સ ઈન્ડસ્ટ્રીઝના ચેરમેન મુકેશ અંબાણી નાણાકીય વર્ષ 2020-21થી કોઈ પગાર લઈ રહ્યા નથી.

રિલાયન્સ ઈન્ડસ્ટ્રીઝે શેરધારકો પાસેથી મંજૂરી માંગી

મુકેશ અંબાણીની જેમ સંતાનો પગાર નહીં લે,માત્ર બોર્ડ મીટિંગમાં જવાની ફી લેશે